میئر کراچی مرتضیٰ وہاب نے جماعتِ اسلامی کی حالیہ سرگرمیوں پر تنقید کرتے ہوئے کہا ہے کہ شہر بھر میں ’کراچی کو حق دو‘ کے بینرز لگانے سے مسائل حل نہیں ہوں گے۔
جماعت اسلامی پر تنقید کرتے ہوئے ان کا کہنا تھا کہ شہر کے مخصوص سگنلز پر بینر لگے ہیں کہ ’کراچی کو حق دو‘، ’کراچی کو صاف کرو‘ اور نیچے لکھا ہے جماعت اسلامی، انہوں نے کہا کہ اگر سڑک پر بینر لگاؤ گے تو کیا شہر کو صاف کیا جا رہے ہےِ دیوار پر پوسٹر لگانے سے شہر صاف ہو گا؟
یہ بھی پڑھیں: ’باپ کا مال ہے کہ استعفیٰ دے دوں؟‘ میئر کراچی مرتضیٰ وہاب کا رویہ تنقید کی زد میں
انہوں نے مزید کہا کہ میں انتظامیہ کے ساتھ میٹنگ کروں گا، جو اس طرح کا بینر لگائیں گے ہم ان کو سیل کریں گے۔ جو غیر قانونی کام کرے گا اس کے خلاف کارروائی ہونی چاہیے۔
مرتضی وہاب۔۔ میرے چھوٹے بھائی!
آئین کا آرٹیکل ۱۹آزادئ اظہار رائے دیتا ہے ۔
آپ کو ایسی آئین سے متصادم باتیں نہیں کرنی چاہئیں۔@murtazawahab1
حق دو کراچی کو! ✋🏻
کراچی کو صاف کرو pic.twitter.com/RNHaEi8IHQ— Wajih Sani (@wajih_sani) April 15, 2026
فہیم ستار کہتے ہیں کہ آزادیِ اظہارِ رائے کا مطلب یہ نہیں کہ شہر کی ہر دیوار کو اشتہار یا نعرے سے بھر دیا جائے۔ قانون واضح ہے اور سندھ ہائی کورٹ کا حالیہ فیصلہ بھی یہی کہتا ہے کہ شہری نظم و ضبط اور خوبصورتی برقرار رکھنا ریاست کی ذمہ داری ہے۔
ان کا مزید کہنا تھا کہ اظہار اپنی جگہ لیکن قانون اور شہری ذمہ داری بھی کوئی چیز ہوتی ہے یا پھر ہم واقعی ہر گلی اور سڑک کو ’اوپن نوٹس بورڈ‘ بنانے پر تُل گئے ہیں؟
آزادیِ اظہارِ رائے کا مطلب یہ نہیں کہ شہر کی ہر دیوار کو اشتہار یا نعرے سے بھر دیا جائے۔ قانون واضح ہے اور سندھ ہائی کورٹ کا حالیہ فیصلہ بھی یہی کہتا ہے کہ شہری نظم و ضبط اور خوبصورتی برقرار رکھنا ریاست کی ذمہ داری ہے۔
اظہار اپنی جگہ، لیکن قانون اور شہری ذمہ داری بھی کوئی چیز… pic.twitter.com/7MlfQH3WKO— Faheem Sattar Dal (@FaheemSattarDal) April 15, 2026
مرتضیٰ وہاب کے اس بیان پر سوشل میڈیا صارفین کی جانب سے ملا جلا ردِعمل سامنے آیا ہے۔ کچھ صارفین نے ان کے مؤقف کی حمایت کرتے ہوئے اسے درست قرار دیا، جبکہ دیگر نے اس پر تنقید کی۔ وجیہہ ثانی نے اس پر تبصرہ کرتے ہوئے کہا کہ آئین کا آرٹیکل ۱۹آزادئ اظہار رائے دیتا ہے۔ آپ کو ایسی آئین سے متصادم باتیں نہیں کرنی چاہئیں۔
مرتضیٰ وہاب کا تنقید کرتے ہوئے مزید کہنا تھا کہ شہر کی بہتری کے لیے سب کو متحد ہو کر کردار ادا کرنا ہو گا اور سیاسی منافقت سے کراچی کا کوئی بھلا نہیں ہو گا۔
