پاکستان سپر لیگ (پی ایس ایل) سیزن 11 کے 26ویں میچ میں کوئٹہ گلیڈی ایٹرز نے لاہور قلندرز کو 6 وکٹوں سے شکست دے دی۔
نیشنل اسٹیڈیم کراچی میں کھیلے گئے میچ میں کوئٹہ گلیڈی ایٹرز نے 135 رنز کا ہدف 17ویں اوور میں 4 وکٹوں کے نقصان پر حاصل کر لیا۔
Quetta bag a thumping six-wicket win and two crucial points.#HBLPSL11 | #NewEra | #LQvQG pic.twitter.com/6BIPP9PWiJ
— PakistanSuperLeague (@thePSLt20) April 17, 2026
کوئٹہ کی جانب سے ریلی روسو نے شاندار 60 رنز کی ناقابل شکست اننگز کھیلی جبکہ حسن نواز 49 رنز بنا کر نمایاں رہے۔
دیگر کھلاڑیوں میں شمائل حسین صفر، کپتان سعود شکیل 1 اور دنیش چندیمل 3 رنز بنا کر آؤٹ ہوئے، جبکہ بیون جیکبس 14 رنز کے ساتھ ناٹ آؤٹ رہے۔
لاہور قلندرز کی جانب سے عثمان طارق کو 18 رنز کے عوض 3 وکٹیں حاصل کرنے پر میچ کا بہترین کھلاڑی قرار دیا گیا۔
اس سے قبل لاہور قلندرز نے ٹاس جیت کر پہلے بیٹنگ کرتے ہوئے 19.5 اوورز میں 134 رنز بنائے اور پوری ٹیم آؤٹ ہو گئی۔ حسیب اللہ 33، اسامہ میر 22 اور فخر زمان 20 رنز کے ساتھ نمایاں رہے۔
کوئٹہ کی جانب سے عثمان طارق اور جہانداد خان نے 3،3 جبکہ الزاری جوزف نے 2 وکٹیں حاصل کیں۔
اس فتح کے بعد کوئٹہ گلیڈی ایٹرز 7 میچوں میں 3 فتوحات کے ساتھ 6 پوائنٹس حاصل کر کے پوائنٹس ٹیبل پر چوتھے نمبر پر آ گئی ہے، جبکہ لاہور قلندرز 6 میچوں میں صرف 2 فتوحات کے بعد ساتویں نمبر پر موجود ہے۔
