لاہور ہائیکورٹ نے صوبائی وزیر اطلاعات عظمیٰ بخاری کی مبینہ جعلی ویڈیو وائرل کرنے کے مقدمے میں گرفتار پی ٹی آئی سوشل میڈیا ایکٹوسٹ فلک جاوید کی ضمانت منظور کر لی ہے۔
عدالت نے ملزمہ کو ایک لاکھ روپے کے ضمانتی مچلکے جمع کرانے کی ہدایت بھی کی ہے۔
یہ بھی پڑھیے: پی ٹی آئی کارکن فلک جاوید کے جسمانی ریمانڈ میں 4 روز کی توسیع
جسٹس شہرام سرور چوہدری نے فلک جاوید کی درخواست ضمانت پر سماعت کی، جبکہ ملزمہ کی جانب سے بیرسٹر میاں علی اشفاق عدالت میں پیش ہوئے۔
ایف آئی اے سائبر کرائم ونگ نے عظمیٰ بخاری کی مبینہ جعلی ویڈیو وائرل کرنے کے الزام میں فلک جاوید سمیت دیگر افراد کے خلاف مقدمہ درج کر رکھا ہے۔
فلک جاوید اس مقدمے میں 24 ستمبر 2025 سے گرفتار تھیں۔
