امریکا میں موسم بہار کے دوران شدید طوفان نے مغربی ریاستوں کو اپنی لپیٹ میں لے لیا، برفانی طوفان کی وارننگ جاری کردی گئی۔
یہ بھی پڑھیں: جنوبی امریکا میں طوفانی بگولوں کے نتیجے میں 34 افراد ہلاک
امریکی محکمہ موسمیات کے مطابق مونٹانا اور سیرا نیواڈا کے پہاڑی علاقوں میں شدید برفباری متوقع ہے جہاں 24 انچ تک برف پڑسکتی ہے، جبکہ اہم شاہراہوں پر سفر خطرناک ہوگیا ہے۔
رپورٹ کے مطابق ایک طاقتور سرد محاذ مڈویسٹ اور شمال مشرقی علاقوں کی جانب بڑھ رہا ہے جس کے باعث درجہ حرارت میں 50 ڈگری تک کمی کا امکان ہے۔
ماہرین نے خبردار کیا ہے کہ نیویارک اور پنسلوانیا سمیت کئی ریاستوں میں شدید سردی اور برف جمنے کی صورتحال پیدا ہوسکتی ہے جس سے فصلوں کو نقصان پہنچنے کا خدشہ ہے۔
یہ بھی پڑھیں: امریکا میں شدید برفانی طوفان، 10 افراد ہلاک، 19 ہزار سے زائد پروازیں منسوخ
شہریوں کو ہدایت کی گئی ہے کہ پودوں کو محفوظ رکھیں اور سردی سے بچاؤ کے اقدامات کریں کیونکہ غیر معمولی ٹھنڈ ہفتے بھر برقرار رہ سکتی ہے۔
