وزیراعلیٰ بلوچستان میر سرفراز بگٹی نے ایک منفرد اور انسان دوست اقدام کرتے ہوئے مسلسل جدوجہد کرنے والے ایک نوجوان کو براہِ راست فون کال پر سرکاری ملازمت دینے کا اعلان کر دیا۔
مزید پڑھیں: سہیل آفریدی کا وزیراعلیٰ بلوچستان کے خلاف سخت بیان کیا صوبوں میں تصادم پیدا کرےگا؟
یہ غیر معمولی پیشرفت اس وقت سامنے آئی جب محکمہ منصوبہ بندی و ترقیات کی جانب سے متعارف کردہ ڈیجیٹل ڈیش بورڈ کے ذریعے سرکاری آسامیوں اور درخواست گزاروں کا تفصیلی ڈیٹا پیش کیا گیا۔ بریفنگ کے دوران انکشاف ہوا کہ مستونگ سے تعلق رکھنے والے ایک میٹرک پاس نوجوان نے مختلف محکموں میں مجموعی طور پر 45 مرتبہ ملازمت کے لیے درخواستیں جمع کروائیں۔
وزیر اعلیٰ بلوچستان کا منفرد اقدام، 45 بار نوکری کے لیے درخواست دینے والے نوجوان کو براہِ راست کال پر ملازمت کی نوید دے دی
کوئٹہ، 22 اپریل 2026 وزیر اعلیٰ بلوچستان میر سرفراز بگٹی نے ایک منفرد اور انسان دوست اقدام کے تحت مختلف محکموں میں نوکری کے لیے 45 مرتبہ درخواست دینے… pic.twitter.com/1xWxGNcabN
— Pakistan Peoples Party – PPP (@PPP_Org) April 23, 2026
وزیراعلیٰ نے نوجوان کی مستقل مزاجی اور عزم کو سراہتے ہوئے فوری طور پر حکام کو ہدایت کی کہ اس سے رابطہ قائم کیا جائے۔ بعد ازاں نوجوان محمد ایاز سے براہِ راست ٹیلیفونک رابطہ کروایا گیا، جہاں وزیراعلیٰ نے اس کی خیریت دریافت کی اور اس کی جدوجہد کو خراجِ تحسین پیش کرتے ہوئے اسے سرکاری ملازمت کی خوشخبری سنائی۔
مزید پڑھیں: شاہد رند کی بحیثیت معاون وزیراعلیٰ بلوچستان تقرری عدالت میں چیلنج
اچانک ملنے والی اس خوشخبری پر محمد ایاز نے خوشی کا اظہار کرتے ہوئے وزیراعلیٰ بلوچستان کا شکریہ ادا کیا۔
