جڑواں شہروں میں پبلک اور گڈز ٹرانسپورٹ بحال، فیض آباد اور پیرودھائی بس اڈوں کو تاحکم ثانی بند رکھنے کا فیصلہ

وفاقی دارالحکومت اسلام آباد اور راولپنڈی پبلک اور گڈز ٹرانسپورٹ بحال کردی گئی ہے، تاہم فیض اور پیرودھائی بس اڈوں کو تاحکم ثانی بند رکھنے کا اعلان کیا گیا ہے۔

ضلعی انتظامیہ اسلام آباد نے وفاقی دارالحکومت میں ٹرانسپورٹ کے حوالے سے اہم فیصلہ کرتے ہوئے تمام قسم کی پبلک اور گڈز ٹرانسپورٹ کو شہر میں داخلے کی اجازت دے دی ہے۔

اعلان کے مطابق شہر بھر میں فیض آباد کے علاوہ تمام بس اڈے بھی کھول دیے گئے ہیں جبکہ فیض آباد بس ٹرمینل کو تاحکم ثانی بند رکھنے کا فیصلہ کیا گیا ہے۔

وفاقی دارالحکومت میں ٹرانسپورٹ کے حوالے سے ضلعی انتظامیہ کا اہم اعلان

تمام قسم کی پبلک اور گڈز ٹرانسپورٹ کو شہر میں داخلے کی اجازت دے دی گئی، شہر بھر میں فیض آباد کے علاوہ تمام بس اڈے بھی کھول دئیے گئے ہیں جبکہ فیض آباد بس ٹرمینل کو تاحکم ثانی بند رکھا جائے گا

— DC Islamabad (@dcislamabad) April 25, 2026

دوسری جانب ضلعی انتظامیہ راولپنڈی کی جانب سے بھی شہر کے تمام داخلی و خارجی راستے ہر قسم کی ٹریفک، بشمول پرائیویٹ، پبلک اور گڈز ٹرانسپورٹ کے لیے مکمل طور پر کھول دیے گئے ہیں، تاہم پیرودھائی اڈہ تاحکمِ ثانی بند رہے گا۔

قبل ازیں ضلعی انتظامیہ اسلام آباد نے کفایت شعاری اقدامات کے تسلسل میں مختلف کاروباری شعبوں کے لیے اوقاتِ کار میں نظرثانی کرتے ہوئے نیا شیڈول جاری کر دیا ہے۔

نوٹیفکیشن کے مطابق شہر میں دکانیں، مارکیٹس اور شاپنگ مالز رات 8 بجے بند کر دیے جائیں گے۔ تاہم اس پابندی سے فارمیسی، اسپتال، پیٹرول پمپس، سی این جی اسٹیشنز اور ڈیری شاپس مستثنیٰ ہوں گے۔

Revised Business Timings in Islamabad
In continuation of austerity measures, the District Administration Islamabad has issued revised closing timings for various sectors, effective 23rd April 2026 until further orders.
Shops, Markets & Shopping Malls
Close by 8:00 PM (throughout… pic.twitter.com/QAMNAOmDxO

— DC Islamabad (@dcislamabad) April 25, 2026

اسی طرح ریسٹورنٹس، تندور، کریانہ اسٹورز اور دیگر فوڈ آؤٹ لیٹس رات 10 بجے تک کھلے رہیں گے جبکہ ٹیک اوے اور ڈیلیوری سروسز پر کوئی پابندی عائد نہیں کی گئی۔