عالمی مالیاتی ادارے (IMF) نے کہا ہے کہ پاکستان کے لیے قریباً 1.2 ارب ڈالر قرض کی قسط کی منظوری پر غور کے لیے اس کا اعلیٰ اجلاس آئندہ چند ہفتوں میں متوقع ہے۔
مزید پڑھیں: پاکستان اور آئی ایم ایف کے درمیان نئی آٹو پالیسی پر اتفاق، درآمدی ڈیوٹیز میں کمی کا فیصلہ
پاکستان اور عالمی مالیاتی ادارے کے درمیان مارچ میں ایک اہم معاہدہ طے پایا تھا جس کے تحت پاکستان کو بڑے مالیاتی پروگرامز کے ذریعے امداد فراہم کی جانی ہے۔ منظوری کے بعد پاکستان کو اربوں ڈالر تک رسائی حاصل ہو سکتی ہے جس سے مجموعی مالی معاونت میں نمایاں اضافہ ہوگا۔
حکام کے مطابق اس مالی معاونت کا مقصد پاکستان کی معیشت کو مستحکم کرنا، زرمبادلہ کے ذخائر کو بہتر بنانا اور ادائیگیوں کے توازن کے بحران سے بچاؤ ہے۔
پاکستان اس سے قبل بھی معاشی اصلاحات کے مختلف اقدامات کر چکا ہے جن میں سبسڈی میں کمی، ٹیکس نظام میں بہتری، سرکاری اداروں کی نجکاری اور توانائی کے شعبے میں اصلاحات شامل ہیں۔
مزید پڑھیں: پاکستان کی عالمی مالیاتی منڈیوں میں واپسی کی تیاری، آئی ایم ایف اجلاس میں حکمت عملی پیش کردی گئی
عالمی مالیاتی ادارے نے اس بات کی نشاندہی کی ہے کہ اگرچہ پاکستان کی معاشی صورتحال میں بہتری آ رہی ہے، تاہم عالمی حالات اور خطے میں کشیدگی مستقبل میں معیشت پر دباؤ ڈال سکتی ہے۔
