پاکستان سپر لیگ (پی ایس ایل) سیزن 11 کے گروپ مرحلے کا اختتام ہو گیا ہے، جس کے بعد پلے آف مرحلے کے لیے 4 ٹیموں کا فیصلہ ہو گیا ہے۔
پوائنٹس ٹیبل پر پشاور زلمی نے شاندار کارکردگی دکھاتے ہوئے 17 پوائنٹس کے ساتھ پہلی پوزیشن حاصل کی۔ اسلام آباد یونائیٹڈ 13 پوائنٹس کے ساتھ دوسرے نمبر پر رہی، جبکہ ملتان سلطانز نے 12 پوائنٹس کے ساتھ تیسری پوزیشن حاصل کی۔
یہ بھی پڑھیے: پی ایس ایل 11: محمد رضوان کے بیان پر نیا ہنگامہ، پی سی بی سے تحقیقات کا مطالبہ
چوتھی اور آخری پلے آف جگہ حیدرآباد کنگزمین نے بہتر نیٹ رن ریٹ کی بنیاد پر حاصل کی۔ اس دوڑ میں انہوں نے لاہور قلندرز اور کراچی کنگز کو پیچھے چھوڑ دیا۔
پلے آف مرحلہ 28 اپریل سے شروع ہوگا۔ کوالیفائر میچ میں پشاور زلمی اور اسلام آباد یونائیٹڈ آمنے سامنے ہوں گی۔ یہ میچ کراچی میں کھیلا جائے گا۔ فاتح ٹیم سیدھا فائنل میں پہنچے گی جبکہ ہارنے والی ٹیم کو ایک اور موقع ملے گا۔
یہ بھی پڑھیے: پی ایس ایل 11: اسلام آباد یونائیٹڈ کی ملتان سلطانز کو شکست، کوالیفائر میں جگہ بنا لی
29 اپریل کو پہلا ایلیمنیٹر ملتان سلطانز اور حیدرآباد کنگزمین کے درمیان لاہور میں کھیلا جائے گا۔
دوسرا ایلیمنیٹر بھی لاہور میں یکم مئی کو ہوگا، جس کے بعد دوسری فائنلسٹ ٹیم کا فیصلہ ہوگا۔
پی ایس ایل 11 کا فائنل 3 مئی کو کھیلا جائے گا، جہاں ٹورنامنٹ کی دو بہترین ٹیمیں ٹائٹل کے لیے مقابلہ کریں گی۔
