سنگاپور میں ایک 18 سالہ فرانسیسی طالبعلم ڈیدئے گاسپارڈ اوون میکسیملین پر الزام عائد کیا گیا ہے کہ اس نے ایک شاپنگ مال میں موجود اورنج جوس وینڈنگ مشین کی اسٹرا کو چاٹ کر دوبارہ ڈسپنسر میں رکھ دیا اور اس واقعے کی ویڈیو انسٹاگرام پر پوسٹ کر دی، جو بعد میں تیزی سے وائرل ہو گئی۔
مزید پڑھیں: میٹرک امتحانات کے پرچے آؤٹ کرنے والے گروہ کیخلاف کارروائی، سائبر سیکیورٹی کے طالبعلم سمیت 4 ملزمان گرفتار
مقامی کمپنی iJooz کے مطابق واقعے کے بعد مشین میں موجود تمام 500 اسٹرا تبدیل کر دیے گئے اور پولیس میں رپورٹ درج کرائی گئی۔ کمپنی نے صفائی اور حفاظتی اقدامات بھی سخت کر دیے ہیں۔
پولیس نے نوجوان پر عوامی پریشانی کے الزامات عائد کیے ہیں۔ اگر وہ مجرم ثابت ہوا تو اسے 2 سال سے زائد قید اور بھاری جرمانے کا سامنا کرنا پڑ سکتا ہے۔
مزید پڑھیں: بنگلہ دیش: طالبعلم قتل کیس میں 2 پولیس اہلکاروں کو سزائے موت
یہ واقعہ 12 مارچ کو پیش آیا تھا۔ نوجوان نے اپنی ویڈیو کے ساتھ یہ جملہ بھی لکھا تھا کہ شہر محفوظ نہیں ہے۔ اس کے تعلیمی ادارے ایسیک بزنس اسکول نے بھی معاملے کا نوٹس لیتے ہوئے اندرونی تحقیقات شروع کر دی ہیں۔ کیس کی اگلی سماعت 22 مئی کو ہوگی۔
