اسلام آباد میں امن مذاکرات و غیر ملکی شخصیات کی آمد و رفت کے دوران دارالخلافے اور راولپنڈی میں پبلک ٹرانسپورٹ کی عارضی بندش کے باعث ریلوے کا بزنس چمک اٹھا۔
میڈیا رپورٹس کے مطابق ریل سے سفر کرنے والے مسافروں کی تعداد میں نمایاں اضافہ ریکارڈ کیا گیا ہے۔
پاکستان ریلوے کے ریکارڈ کے مطابق 18 سے 24 اپریل کے دوران صرف راولپنڈی ریلوے اسٹیشن سے ایک لاکھ 11 ہزار سے زائد مسافروں نے مختلف شہروں کا سفر کیا جو معمول کے مقابلے میں تقریباً 38 ہزار زیادہ ہے۔
اعداد و شمار کے مطابق مسافروں کی اس غیر معمولی اضافے کے باعث پاکستان ریلوے کی راولپنڈی اسٹیشن سے آمدن میں 44 فیصد سے زائد اضافہ بھی ہوا۔
مزید پڑھیے: جڑواں شہروں کی انتظامیہ نے دکانیں اور بس اڈے بند کراوانے کے حوالے سے خبروں کی تردید کردی
بڑھتی ہوئی طلب کو مدنظر رکھتے ہوئے اضافی بوگیوں کا انتظام کیا گیا تاکہ مسافروں کو سہولت فراہم کی جا سکے۔
