پاکستان ایئرپورٹس اتھارٹی کے تحت تربت انٹرنیشنل ایئرپورٹ پر فل اسکیل ایمرجنسی مشق کا انعقاد کیا گیا، جس کا مقصد ہنگامی صورتحال میں مختلف اداروں کے ردعمل اور رابطہ کاری کا مؤثر جائزہ لینا تھا۔
پاکستان ایئرپورٹس اتھارٹی کے مطابق یہ مشق بین الاقوامی سول ایوی ایشن آرگنائزیشن کے معیار اور قومی ہوا بازی کے حفاظتی تقاضوں کے مطابق منعقد کی گئی۔
یہ بھی پڑھیں:تربت میں گرین پیپلز بس سروس کا آغاز، شہریوں کو جدید سفری سہولیات فراہم
مشق میں پاک فوج، پاک بحریہ، ایئرپورٹس سیکیورٹی فورس اور محکمہ صحت سمیت متعدد اداروں نے حصہ لیا اور مختلف ہنگامی صورتحال میں اپنی پیشہ ورانہ صلاحیتوں کا مظاہرہ کیا۔
اس دوران ہنگامی ردعمل، ادارہ جاتی رابطہ کاری اور کمیونیکیشن سسٹم کی کارکردگی کا تفصیلی جائزہ لیا گیا تاکہ کسی بھی ممکنہ ایمرجنسی کی صورت میں فوری اور مؤثر اقدامات کو یقینی بنایا جا سکے۔
پاکستان ایئرپورٹس اتھارٹی کے مطابق یہ مشق تربت ایئرپورٹ کی حفاظتی اور آپریشنل تیاریوں کو مزید بہتر اور مؤثر بنانے میں معاون ثابت ہوگی۔
