امریکی تفتیشی اور عدالتی ریکارڈز میں جیفری ایپسٹین کی مبینہ خودکشی سے پہلے لکھا گیا ایک نوٹ موجود ہونے کا انکشاف سامنے آیا ہے، جس نے اس کیس سے جڑے پرانے سوالات کو ایک بار پھر تازہ کر دیا ہے۔
یہ بھی پڑھیں:ایپسٹین اسکینڈل پھر زیر بحث، ٹرمپ سے متعلق مناظر واشنگٹن کی عمارت پر نشر
بین الاقوامی میڈیا رپورٹس کے مطابق یہ نوٹ مبینہ طور پر ایپسٹین کے سابق سیل میٹ نکولس ٹارٹالیانو کے ذریعے سامنے آیا، جس کا دعویٰ ہے کہ اسے 2019 میں ایپسٹین کی موت سے قبل جیل میں یہ تحریر ملی تھی۔ رپورٹ کے مطابق نوٹ کو ایک قانونی کیس کے حصے کے طور پر عدالت میں جمع کیا گیا ہے تاہم اسے ابھی تک عام عوام کے لیے جاری نہیں کیا گیا۔
ذرائع کے مطابق یہ دستاویز گزشتہ کئی برسوں سے ایک امریکی عدالت میں سیل ہے اور اس کی تفصیلات منظر عام پر نہیں آئیں۔ نوٹ کے بارے میں کہا جا رہا ہے کہ اس میں ایپسٹین نے اپنی صورتحال اور تحقیقات سے متعلق کچھ تبصرے کیے تھے، تاہم اس کی مکمل عبارت تاحال ظاہر نہیں کی گئی۔
A cellmate of Jeffrey Epstein reportedly found the convicted sex offender’s apparent suicide note in late July 2019, weeks before his death.
— Washington Examiner (@dcexaminer) May 1, 2026
یہ انکشاف ایسے وقت میں سامنے آیا ہے جب ایپسٹین کی 2019 میں جیل میں ہونے والی موت کو لے کر پہلے ہی متعدد سوالات اور نظریات موجود ہیں۔ مختلف حلقے اس کیس میں سیکیورٹی خامیوں اور عدالتی عمل پر بھی مسلسل بحث کرتے رہے ہیں۔
رپورٹس کے مطابق اس نئے انکشاف نے کیس کے گرد موجود قیاس آرائیوں اور سیاسی و عدالتی بحث کو مزید بڑھا دیا ہے، جبکہ حکام کی جانب سے نوٹ کی باضابطہ اشاعت یا تصدیق پر کوئی واضح موقف سامنے نہیں آیا۔
تجزیہ کاروں کے مطابق جب تک یہ دستاویز عوام کے سامنے نہیں آتی، اس وقت تک ایپسٹین کیس سے جڑے سوالات اور شکوک و شبہات برقرار رہنے کا امکان ہے۔
