موسم بہار کی ایک دھند آلود دھوپ میں سیول کے دریائے ہان کے کنارے واقع ایک پارک میں سینکڑوں نوجوان جمع ہوئے، جہاں شہری انتظامیہ کی دعوت پر وہ ایک ایسا کام کرنے آئے تھے جس کی کمی کی شکایت زیادہ کام کرنے والے جنوبی کوریائی افراد کو اکثر رہتی ہے یعنی نیند۔
سیول میٹروپولیٹن گورنمنٹ نے موسم بہار کی اپنی تیسری سالانہ تقریب کو ’پاور نیپ مقابلہ‘ کا نام دیا گیا۔
دوپہر 3 بجے شروع ہونے والے اس مقابلے کے لیے شرکا کو ہدایت دی گئی تھی کہ وہ سلیپنگ بیوٹی یا شہزادے جیسے لباس میں ملبوسات، تھکے ہوئے مگر بھرے پیٹ کے ساتھ آئے ہوں۔
یہ بھی پڑھیں: نیند کی کمی دماغ کو وقت سے پہلے بوڑھا کر دیتی ہے، تحقیق میں انکشاف
ایسا شہر جہاں 24 گھنٹے کھلے رہنے والے شاپنگ مالز، سخت مقابلہ بازی اور آئسڈ امریکانو کلچر عام ہے، وہاں اس پارک کی فضا میں تھکن نمایاں محسوس ہو رہی تھی۔
جوسون دور کے بادشاہ کے ریشمی سرخ لباس میں ملبوس 20 سالہ طالب علم پارک جون سیوک کا کہنا تھا کہ امتحان کی تیاری اور جزوقتی ملازمت کے درمیان میں رات کو صرف 3 یا 4 گھنٹے ہی سو پاتے ہیں اور دن میں میز پر جھپکیاں لے کر کمی پوری کرتے ہیں۔
’میں یہاں اپنی جھپکی لینے کی صلاحیت دکھانے اور یہ بتانے آیا ہوں کہ بادشاہ کیسے سوتا ہے۔‘
A nap competition was held at Yeouido Hangang Park in Seoul, South Korea on Saturday.
What type of competition is this one 😂😂😂
Report by CNN pic.twitter.com/qYrRy4JioL— Trencherr (@justin3502541) May 3, 2026
قریب ہی سیول کے شمال میں واقع علاقے ایلسان سے آئی 24 سالہ انگریزی استاد یو می یون کوالا تھیم والے نرم و آرام دہ لباس میں نمایاں نظر آئیں۔
انہوں نے بتایا کہ وہ ہمیشہ بے خوابی کا شکار رہی ہیں، انہیں نیند آنے میں مشکل ہوتی ہے اور جلد آنکھ کھل جاتی ہے۔
’کوالا اپنی گہری نیند کے لیے مشہور ہیں، اسی لیے میں ان جیسا لباس پہن کر آئی ہوں تاکہ شاید ان کی کچھ جادوئی صلاحیت مل جائے۔‘
یہ مقابلہ مسلسل تیسرے سال منعقد کیا گیا ہے جو جنوبی کوریا میں ایک سنگین مسئلے کی نشاندہی کرتا ہے۔
اعداد و شمار کے مطابق او ای سی ڈی کے رکن ممالک میں جنوبی کوریا سب سے زیادہ کام کرنے اور کم نیند لینے والے ممالک میں شامل ہے، جس کے نتیجے میں یہاں کے لوگ کم ترین اوقات نیند حاصل کرتے ہیں۔
جب گھڑی نے 3 بجائے تو شرکا نے آنکھوں پر ماسک پہن لیے، جبکہ منتظمین نے ان کی دل کی دھڑکن کی پیمائش کی تاکہ یہ یقینی بنایا جا سکے کہ وہ پرسکون اور گہری نیند کی حالت میں ہیں۔
مزید پڑھیں: کیمپنگ بہتر نیند اور دیرپا مثبت اثرات کے لیے سودمند، چلیں آزماتے ہیں
مقابلے کا فاتح 80 سال سے زائد عمر کے ایک شہری رہے، جبکہ 37 سالہ دفتری ملازم ہوانگ دو سنگ دوسرے نمبر پر رہے۔
انہوں نے کہا کہ وہ مسلسل رات کی شفٹوں، روزمرہ کام اور ڈرائیونگ کی وجہ سے بری طرح تھک چکے تھے۔
’جب میں نے اس مقابلے کے بارے میں سنا تو فیصلہ کیا کہ دریا کی ٹھنڈی ہوا میں بھرپور نیند لے کر خود کو تازہ کروں، میں دوسرے نمبر پر آ کر بہت خوش ہوں۔‘
