سعودی عرب نے حج انتظامات کو جدید خطوط پر استوار کرنے کے لیے ایک جامع ڈیجیٹل پلیٹ فارم ’نسک مسار‘ متعارف کرا دیا ہے۔
مزید پڑھیں:حکومت کا پاکستانی عازمین حج کے لیے سعودی عرب میں 35 جدید کلینکس قائم کرنے کا اعلان
وزارتِ حج و عمرہ کے مطابق اس نظام کا مقصد حج سے قبل تمام انتظامی مراحل کو ایک ہی مربوط پلیٹ فارم کے تحت مکمل کرنا ہے تاکہ حجاج کرام کو آسان، شفاف اور منظم سہولیات فراہم کی جا سکیں۔
اس پلیٹ فارم کے ذریعے حج معاہدوں کا انتظام، آپریشنل خدمات کی نگرانی، ویزا کارروائی، مکاتبِ حجاج کی ترتیب اور نسک کارڈ کی تیاری و فعال بنانے جیسے اہم مراحل کو ڈیجیٹل انداز میں مکمل کیا جائے گا۔
مزید پڑھیں: سعودی عرب کا پاکستانی محنت کشوں کو خراج تحسین، ہمیشہ کے بھائی قرار دے دیا
مزید یہ کہ یہ نظام متعلقہ اداروں کے درمیان معلومات کے تبادلے کو مؤثر بناتا ہے اور نگرانی و ضابطہ کاری کے نظام کو بھی بہتر کرتا ہے۔
یہ اقدام سعودی عرب کے اس وسیع وژن کا حصہ ہے جس کا مقصد حج انتظامات کو جدید ٹیکنالوجی کے ذریعے مزید منظم، مؤثر اور باوقار بنانا ہے۔
