سعودی عرب سے ایک لاکھ ٹن خام تیل کی کھیپ بنگلہ دیش پہنچ گئی ہے، جس کے بعد ملک کے توانائی شعبے کو ریلیف ملنے کی توقع ہے۔
مزید پڑھیں: آبی تنازع: بنگلہ دیش کا مسئلے کے حل کے لیے تمام ممکنہ آپشنز استعمال کرنے کا اعلان
حکام کے مطابق یہ کھیپ چٹاگرام بندرگاہ پر اتاری جائے گی، جس کے بعد ایسٹرن ریفائنری 8 یا 9 مئی سے دوبارہ مکمل پیداوار شروع کر دے گی۔ مشرق وسطیٰ میں کشیدگی کے باعث گزشتہ ہفتوں میں تیل کی ترسیلات متاثر ہوئی تھیں، جس سے ریفائنری کی پیداوار عارضی طور پر بند کرنا پڑی تھی۔
مزید پڑھیں: جماعت اسلامی بنگلہ دیش کا شاپلا سانحے کی تحقیقات کے لیے کمیشن کے قیام کا مطالبہ
بنگلہ دیش پیٹرولیم کارپوریشن کے مطابق ملک کی 80 فیصد ضروریات درآمدی تیل سے پوری کی جاتی ہیں۔ حکام نے کہا ہے کہ نئی کھیپ کی آمد سے ڈیزل اور پیٹرول کی سپلائی معمول پر آنے کی توقع ہے۔
