بھارتی فلم ’دادی کی شادی‘ ریلیز سے پہلے ہی شدید تنازع کا شکار ہو گئی ہے، جہاں سوشل میڈیا پر اس پروجیکٹ پر یہ سنگین الزام عائد کیا جا رہا ہے کہ اس کی کہانی مبینہ طور پر ایک پاکستانی ٹیلی فلم سے متاثر ہو کر کاپی کی گئی ہے۔
یہ بحث اس وقت شدت اختیار کر گئی جب آن لائن صارفین نے دعویٰ کیا کہ فلم کا مرکزی خیال اور کہانی ایک پاکستانی ٹیلی فلم سے مماثلت رکھتی ہے جو مارچ 2026 میں نشر ہوئی تھی۔ اس مبینہ مماثلت نے دونوں ممالک کے ناظرین میں نئی بحث چھیڑ دی ہے۔
یہ بھی پڑھیں: رشی کپور کی بیٹی کا چونکا دینے والا فیصلہ، 45 سال کی عمر میں بالی ووڈ میں دھماکے دار انٹری
تنازع کی اصل وجہ دونوں پروجیکٹس کا مرکزی تھیم ہے جس میں ایک بزرگ خاتون کی زندگی میں دوبارہ محبت کا آغاز اور بعد ازاں شادی کا فیصلہ دکھایا گیا ہے جسے بعض صارفین نے غیر معمولی مماثلت قرار دیا ہے۔
فلم کی کاسٹ میں نیتو کپور اور کپل شرما کے ساتھ آر سارتھ کمار، یوگراج سنگھ، تیجسونی کولہا پوری، ادیتی متل، نگہت خان، ودھان شرما اور سورنا پانڈے سمیت متعدد اداکار شامل ہیں۔
