پاک فضائیہ کے ڈپٹی چیف آف ایئر اسٹاف پراجیکٹس ایئر وائس مارشل طارق غازی نے کہا ہے کہ ‘آپریشن بنیان المرصوص’ کے دوران پاک فضائیہ نے بھارت کے 8 جنگی طیارے تباہ کیے، جس کے بعد ‘اسکور 8-0’ ہو چکا ہے۔
راولپنڈی میں ڈی جی آئی ایس پی آر لیفٹیننٹ جنرل احمد شریف چوہدری کے ہمراہ پریس کانفرنس کرتے ہوئے ایئر وائس مارشل طارق غازی نے بتایا کہ تباہ کیے گئے بھارتی طیاروں میں 4 رافیل، ایک ایس یو-30، ایک مگ-29 اور ایک میراج 2000 شامل تھا، جبکہ ایک جدید اور مہنگا خودکار فضائی نظام بھی نشانہ بنایا گیا۔
یہ بھی پڑھیے: معرکہ حق کا ایک سال مکمل: ’پوری دنیا کو بتا دیا کہ پاکستان اپنے دفاع پر کبھی سمجھوتہ نہیں کرتا‘
انہوں نے کہا کہ پاک فضائیہ نے معرکہ حق میں پیشہ ورانہ مہارت اور جدید جنگی حکمت عملی کا مظاہرہ کیا، جس کے باعث دشمن کو بھاری نقصان اٹھانا پڑا۔
انہوں نے کہا کہ پاک فضائیہ ملک کی فضائی سرحدوں کے دفاع کے لیے ہر وقت مکمل طور پر تیار اور پُرعزم ہے، جبکہ شاہینوں کی بروقت اور مؤثر کارروائیوں کے باعث دشمن پاکستانی فضائی حدود کے قریب بھی آنے کی ہمت نہ کر سکا۔
Pakistan Air Force downed eight Indian jets, including four Rafales, during Marka-e-Haq; Indian aircraft were targeted at will, Marka-e-Haq a classic case study of modern air warfare. – Air Vice Marshal Tariq Ghazi, deputy chief of air staff (projects)#PAF #MarkaEHaq… pic.twitter.com/LbIYGswY03
— Pakistan TV (@PakTVGlobal) May 7, 2026
ڈپٹی چیف آف ایئر اسٹاف کے مطابق سائبر فورس نے بھی معرکے میں اہم کردار ادا کیا اور دشمن کے کمیونیکیشن نظام کو ناکارہ بنا دیا، جبکہ دشمن کی ہر سرگرمی پر مسلسل نظر رکھی گئی۔ انہوں نے کہا کہ پاک فضائیہ نے دشمن کے ڈیجیٹل فٹ پرنٹس کو بھی ٹریک کیا، جس کے باعث بھارتی فورسز شدید دباؤ کا شکار رہیں۔
یہ بھی پڑھیے: بھارت کا دہشتگردی بیانیہ دفن ہو چکا، معرکہ حق میں پاکستان نے ذمہ دارانہ کردار ادا کیا، ڈی جی آئی ایس پی آر
انہوں نے مزید کہا کہ دشمن آج تک یہ سمجھنے سے قاصر ہے کہ اس کے ساتھ آخر ہوا کیا، کیونکہ پاک فضائیہ نے جدید حکمت عملی اور پیشہ ورانہ مہارت کے ذریعے دشمن کے جنگی طیارے مار گرائے اور اپنی فضائی برتری منوائی۔
