جھل مگسی میں ایم ایٹ شاہراہ پر مسافر کوچ الٹنے سے 7 افراد جاں بحق جبکہ 22 زخمی ہو گئے، حادثے میں خواتین اور بچے بھی متاثر ہوئے ہیں۔
یہ بھی پڑھیں:ہری پور: باراتیوں سے بھری بس حادثہ کا شکار، کمسن بچی سمیت 5 خواتین جاں بحق
میڈیا رپورٹس کے مطابق حادثہ اس وقت پیش آیا جب خاران سے لاڑکانہ جانے والی مسافر کوچ ایم ایٹ شاہراہ پر بے قابو ہو کر الٹ گئی۔ ڈی ایس پی محمد یونس نے بتایا کہ 6 افراد موقع پر ہی جاں بحق ہو گئے جبکہ ایک زخمی اسپتال میں دورانِ علاج دم توڑ گیا۔
Five Killed, Dozens Injured as Passenger Coach Meets Horrific Accident on M-8 Highway Near Kharan
Read more: https://t.co/wPIdOFoAZD#Kharan #Balochistan #Zrumbesh
— Zrumbesh English (@ZrumbeshEnglish) May 7, 2026
ڈسٹرکٹ ہیلتھ آفیسر کے مطابق حادثے میں 22 افراد زخمی ہوئے جن میں بعض کی حالت تشویشناک بتائی جا رہی ہے۔ حکام کا کہنا ہے کہ زخمیوں کو فوری طور پر قریبی اسپتال منتقل کر دیا گیا جہاں انہیں طبی امداد فراہم کی جا رہی ہے۔
