پاکستان اور بنگلہ دیش کے درمیان منشیات اسمگلنگ اور مالی جرائم کے خلاف تاریخی معاہدے پر دستخط

جمعہ 8 مئی 2026
icon-facebook icon-twitter icon-whatsapp

بنگلہ دیش اور پاکستان نے منشیات کی اسمگلنگ، نفسیاتی ادویات کے غلط استعمال اور اس سے جڑے مالی جرائم کی بیخ کنی کے لیے تعاون کے ایک تاریخی معاہدے  پر دستخط کر دیے ہیں، جس سے دونوں جنوبی ایشیائی ممالک کے درمیان سیکیورٹی تعاون کے ایک نئے دور کا آغاز ہوگیا ہے۔

 ڈھاکہ کے مقامی ہوٹل میں منعقدہ پروقار تقریب کے دوران بنگلہ دیش کے وزیرِ داخلہ صلاح الدین احمد اور پاکستان کے وفاقی وزیرِ داخلہ سید محسن رضا نقوی نے اس یادداشت پر دستخط کیے۔

یہ بھی پڑھیں: پاکستان اور بنگلہ دیش کے درمیان تعلیمی تعاون کو مزید مستحکم کرنے پر اتفاق

معاہدے کے تحت دونوں ممالک نے انٹیلی جنس معلومات کے تبادلے، تکنیکی تعاون اور منشیات کی اسمگلنگ کے نیٹ ورکس سمیت منی لانڈرنگ کے خلاف مربوط آپریشنز کرنے کا عہد کیا ہے۔

سرکاری حکام کے مطابق، اس معاہدے کے ذریعے اسمگلروں، بین الاقوامی مجرمانہ تنظیموں، اسمگلنگ کے نئے راستوں اور منشیات چھپانے کے جدید طریقوں کے بارے میں باقاعدگی سے معلومات کا تبادلہ کیا جائے گا۔

دونوں ممالک نے اس بات پر بھی اتفاق کیا ہے کہ علاقائی نیٹ ورکس کو مؤثر طریقے سے توڑنے کے لیے باہمی درخواست پر مشترکہ انٹیلی جنس آپریشنز اور ’کنٹرولڈ ڈیلیوری آپریشنز‘ کیے جائیں گے۔

تعاون کے اس فریم ورک کے حصے کے طور پر پاکستان اور بنگلہ دیش انسدادِ منشیات اور قانون نافذ کرنے والے اداروں کے لیے خصوصی تربیتی پروگرامز اور سائنسی تحقیق کا تبادلہ بھی کریں گے۔

یہ بھی پڑھیں: پاکستان اور بنگلہ دیش کے درمیان دفاعی تعاون بڑھانے پر تبادلہ خیال

اس کے علاوہ منشیات کی نشاندہی کے لیے جدید ٹیکنالوجی، سراغ رساں کتوں کے استعمال اور خفیہ خانوں کی شناخت جیسے آپریشنل تجربات سے بھی ایک دوسرے کو فائدہ پہنچایا جائے گا۔ اس معاہدے پر عملدرآمد کے لیے پاکستان کی ’اینٹی نارکوٹکس فورس‘ اور بنگلہ دیش کے ’ڈیپارٹمنٹ آف نارکوٹکس کنٹرول‘ کو رابطہ کار مقرر کیا گیا ہے۔

دونوں حکومتوں نے تبادلہ کی گئی معلومات کی مکمل رازداری برقرار رکھنے پر زور دیا ہے۔ یہ معاہدہ ابتدائی طور پر 10 سال کے لیے نافذ العمل رہے گا، جس کی مدت میں باہمی رضامندی سے توسیع کی جا سکے گی۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

بیرونی سرپرستی میں چلنے والی دہشتگردی کے مکمل خاتمہ تک آپریشنز پوری قوت سے جاری رہیں گے، وزیراعظم شہباز شریف

پاکستان بنگلا دیش کو شکست دے کر تاریخ میں پہلی بار ساف فٹبال چیمپیئن شپ کے فائنل میں پہنچ گیا

ایک مسافر کی جرأت، حاضر دماغی نے 30 سے زیادہ قیمتی انسانی جانیں کیسے بچائیں؟

بھارت انڈر 19 ایشیا کپ تو جیتا لیکن اخلاقیات ہار گیا، بھارتی کھلاڑیوں کے نازیبا اشاروں کی ویڈیو وائرل

پنجاب حکومت نے سرکاری گلف اسٹریم طیارے کا آپریشنل کنٹرول پاک فضائیہ کے حوالے کرنے کی منظوری دے دی

ویڈیو

ایک مسافر کی جرأت، حاضر دماغی نے 30 سے زیادہ قیمتی انسانی جانیں کیسے بچائیں؟

عروسہ خان کا اقرارالحسن سے رشتہ مفتی عبدالقوی نے کروایا، میرا کی جلد شادی، دلہا کون؟

عمران خان نے مذاکرات جاری رکھنے کی ہدایت کی، نئے انتظامی یونٹس کے قیام کے بھی حامی ہیں، بیرسٹر علی ظفر

کالم / تجزیہ

ڈیل ہو جائے گی؟

یمن کے حوثی اب مسلم امہ کے لیے ناسور بن چکے ہیں

فلسفہ وغیرہ !