یونان میں ہونے والے 43ویں بلقان ریاضی اولمپیاڈ میں سعودی عرب کے طلبا نے 2 طلائی اور ایک کانسی کا تمغہ حاصل کر لیا۔
مزید پڑھیں:گوگل کا مصنوعی ذہانت کا ماڈل انٹرنیشنل میتھمیٹیکل اولمپیاڈ میں گولڈ میڈل جیتنے میں کامیاب
مقابلے میں جدہ سے تعلق رکھنے والے عبداللہ محمد السقاف اور مدینہ کے عبدالسلام عبداللہ السلمی نے طلائی تمغے اپنے نام کیے، جبکہ مشرقی علاقے کے الیاس شاکر الفرج نے کانسی کا تمغہ حاصل کیا۔
یونان کے شہر تھیسالونیکی میں منعقدہ اس مقابلے میں 24 ممالک کے 148 طلبا نے حصہ لیا۔
سعودی عرب نے 2010 سے اب تک اس اولمپیاڈ میں مجموعی طور پر 68 اعزازات حاصل کیے ہیں، جن میں 4 طلائی، 14 چاندی اور 46 کانسی کے تمغے شامل ہیں۔
مزید پڑھیں:عالمی سائنسی مقابلوں میں سعودی عرب کی شاندار کامیابیاں، رپورٹ جاری
سعودی طلبا کی تیاری موہبہ فاؤنڈیشن اور وزارتِ تعلیم کے اشتراک سے کی جاتی ہے، جہاں قومی مقابلوں اور خصوصی تربیتی کیمپوں کے ذریعے طلبا کی صلاحیتیں نکھاری جاتی ہیں۔
