قومی اسمبلی کا موجودہ اجلاس 22 مئی تک جاری رکھنے کا فیصلہ کیا گیا ہے، قومی اہمیت کے حامل مختلف امور زیر بحث لائے جائیں گے۔
پیر کے روز اسپیکر قومی اسمبلی سردار ایاز صادق کی زیر صدارت ہاؤس بزنس ایڈوائزری کمیٹی کا اجلاس پارلیمنٹ ہاؤس میں منعقد ہوا، جس میں قومی اسمبلی کے 27 ویں اجلاس کے ایجنڈے اور دورانیے پر تبادلہ خیال کیا گیا۔
یہ بھی پڑھیں: فافن رپورٹ: قومی اسمبلی کی کارکردگی میں بہتری، مگر قانون سازی پر بحث محدود
اجلاس میں فیصلہ کیا گیا کہ قومی اسمبلی کا موجودہ اجلاس 22 مئی 2026 بروز جمعہ تک جاری رکھا جائے گا، اجلاس کے دوران اہم قانون سازی، وقفہ سوالات اور قومی اہمیت کے حامل مختلف امور زیر بحث لائے جائیں گے۔
کمیٹی نے قومی اسمبلی اجلاس کے دوران پیش کی جانے والی رپورٹس ممبران کو آن لائن مہیا کرنے کی منظوری بھی دی۔ اس موقع پر اسپیکر قومی اسمبلی سردار ایاز صادق نے کہا کہ پارلیمنٹ میں پیپر لیس ورکنگ سے قومی خزانے پر بوجھ کم ہوگا۔
ممبر قومی اسمبلی اعجاز جاکھرانی کے مرحوم بیٹے کے لیے مغفرت کی دعا
اجلاس میں ممبر قومی اسمبلی اعجاز جاکھرانی کے مرحوم بیٹے کے لیے مغفرت کی دعا بھی کی گئی۔
یہ بھی پڑھیں: قومی اسمبلی اجلاس میں تعلیم، ہیلتھ اور ماحولیات کے اہم بل زیر غور
اجلاس میں ڈپٹی اسپیکر قومی اسمبلی سید غلام مصطفیٰ شاہ، وفاقی وزیر برائے پارلیمانی امور ڈاکٹر طارق فضل چوہدری، وفاقی وزیر قانون و انصاف اعظم نذیر تارڑ، وزیر سائنس اینڈ ٹیکنالوجی خالد حسن مگسی سمیت دیگر اراکین قومی اسمبلی نے شرکت کی۔
