جنوبی بھارتی فلموں کی معروف اداکارہ میرا واسودیون نے اپنی ذاتی زندگی سے متعلق گفتگو کرتے ہوئے کیا ہے کہ انہوں نے اپنی زندگی کے 17 قیمتی سال تین ناکام شادیوں میں ضائع کر دیے۔
44 سالہ اداکارہ جنہوں نے ہندی فلم ’پیار کا سپرہٹ فارمولہ‘ سے شہرت حاصل کی اور بعد ازاں ملیالم فلم انڈسٹری میں نمایاں مقام بنایا، نے ایک انٹرویو میں کہا کہ اگر وہ اپنی توانائیاں اور وقت کیریئر، فٹنس اور ذاتی ترقی پر صرف کرتیں تو آج ان کی زندگی مختلف ہو سکتی تھی۔
View this post on Instagram
اداکارہ نے کہا کہ ’میں اکثر اپنے بیٹے سے کہتی ہوں کہ میں نے اپنی زندگی کے 17 سال تین بے وقوفانہ شادیوں پر ضائع کر دیے۔ میں اس دوران اپنے کیریئر میں بہت کچھ حاصل کر سکتی تھی‘۔
میرا واسودیون کا کہنا تھا کہ وہ اپنے والدین اور بہن کے ساتھ زیادہ وقت گزار سکتی تھیں لیکن انہوں نے اپنی زندگی ایسے رشتوں پر قربان کر دی جن میں انہیں نہ عزت ملی اور نہ سنجیدگی سے لیا گیا۔
یہ بھی پڑھیں: ’میں نے سب کھو دیا تھا‘، بالی ووڈ اداکار عامر خان کا چونکا دینے والا انکشاف
انہوں نے مزید کہا کہ میں نے ایسے لوگوں کے ساتھ تعلقات میں اپنا وقت ضائع کیا جنہوں نے کبھی میری قدر نہیں کی۔
واضح رہے کہ میرا واسودیون نے پہلی شادی 2005 میں وشال اگروال سے کی تھی، تاہم 2010 میں دونوں میں علیحدگی ہو گئی۔ بعد ازاں انہوں نے 2012 میں اداکار جون کوکین سے شادی کی جن سے ان کا ایک بیٹا بھی ہے، مگر یہ رشتہ بھی 2016 میں ختم ہو گیا۔ بعد میں انہوں نے 2024 میں سینماٹوگرافر ویپن سے شادی کی جو 2025 میں اختتام پذیر ہوئی۔
