خیبر پختونخوا کے علاقے بٹگرام کی تحصیل الائی میں سنہ 2023 میں پیش آنے والے چیئر لفٹ واقعے کے ہیرو علی سواتی کو صدارتی ایوارڈ سے نوازا گیا ہے۔
یہ بھی پڑھیں: بٹگرام چیئرلفٹ حادثے کو 10 ماہ گزرنے کے بعد بھی کچھ نہ بدلا، تازہ صورتحال کیا ہے؟
مذکورہ واقعے میں ایک مقامی چیئر لفٹ میں اسکول کے طلبا و دیگر افراد پھنس گئے تھے۔ واقعے کے وقت 7 طلبہ اور ایک استاد سمیت 8 افراد لفٹ میں پھنس کر موت اور زندگی کے بیچ جھولتے رہے تاہم زپ لائن کے آپریٹر علی سواتی نے اپنی جان کی پرواہ کیے بغیر بحفاظت ریسکیو کیا۔
علی سواتی کی بہادری اور فوری کارروائی کی بدولت کوئی بھی بچہ زخمی نہیں ہوا اور یہ واقعہ علاقے میں مقامی ہیرو کے طور پر یاد رکھا جاتا ہے۔
مزید پڑھیے: پہاڑی علاقوں میں چیئرلفٹ سروس پر پابندی سے منٹوں کا سفر گھنٹوں میں طے ہونے لگا
گورنر خیبر پختونخوا فیصل کریم کنڈی نے علی سواتی کو ان کی بہادری کے اعتراف میں تمغہ امتیاز سے سرفراز کیا۔
