سابق ٹی وی میزبان و سیاستدان اقرار الحسن نے سوشل میڈیا پر وائرل ہونے والی اپنی جم ویڈیو پر ہونے والی تنقید اور مذاق پر ردعمل دیتے ہوئے کہا ہے کہ وہ پہلی بار جم جا رہے ہیں اور ہر شخص ابتدا کم وزن سے ہی کرتا ہے۔
اقرار الحسن کی جم میں ورزش کرتے ہوئے ایک ویڈیو گزشتہ روز سوشل میڈیا پر وائرل ہوئی تھی جس کے بعد بعض صارفین نے ان کا مذاق اڑایا۔ ناقدین کا کہنا تھا کہ ویڈیو میں ویٹ مشین پر صرف ایک پلیٹ لگی ہوئی تھی جبکہ اقرار الحسن کے تاثرات ایسے تھے جیسے وہ بہت زیادہ وزن اٹھا رہے ہوں۔
اس حوالے سے وضاحت دیتے ہوئے اقرار الحسن نے کہا کہ کوئی بھی شخص ماں کے پیٹ سے سو کلو وزن اٹھاتا ہوا نہیں آتا بلکہ جم کا اصل فلسفہ یہی ہے کہ انسان روز بروز خود کو بہتر بناتا ہے۔ انہوں نے کہا کہ وہ بھی وقت کے ساتھ اپنی فٹنس بہتر کر لیں گے۔
View this post on Instagram
اقرار الحسن کا کہنا تھا کہ انہوں نے کبھی یہ دعویٰ نہیں کیا کہ وہ ’مسٹر پاکستان‘ یا ’مسٹر ورلڈ‘ کے مقابلے میں حصہ لینے جا رہے ہیں۔ ان کے مطابق کسی انسان کے کردار، نظریے یا سچائی کا تعلق اس بات سے نہیں کہ وہ کتنا وزن اٹھا سکتا ہے۔
انہوں نے ناقدین کو مخاطب کرتے ہوئے کہا کہ اگر اختلاف کرنا ہے تو نظریات یا تحریک پر کیا جائے تاہم مذاق کرنا ہر شخص کا حق ہے۔ ساتھ ہی انہوں نے درخواست کی کہ شخصیت پرستی سے باہر نکل کر معاملات کو دیکھا جائے۔
اداکارہ مشی خان نے بھی اقرار الحسن کی ویڈیو پر تبصرہ کرتے ہوئے کہا کہ ان کے تاثرات ایسے تھے جیسے50 کلو وزن اٹھا رہے ہوں لیکن جتنا وزن انہوں نے اٹھایا ہوا ہے اتنا تو میں اپنے بالوں سے اٹھا لوں۔ ان کا کہنا تھا کہ یہ تو 5 کلو وزن بھی نہیں ہے آئندہ کیمرہ مین کو کہیں دھیان سے یہ کام کیا کرے۔
View this post on Instagram
اسی طرح اداکارہ فرح ندیم نے طنزیہ انداز میں کہا کہ یا تو ویٹ مشین سے کیمرہ ہٹا دینا چاہیے تھا یا پھر چہرے کے تاثرات کم رکھنے چاہیے تھے تاکہ ویڈیو غیر حقیقی محسوس نہ ہو۔ سیاست کے ساتھ ساتھ آپ ایکسرسائز میں بھی ہٹ جا رہے ہیں۔
View this post on Instagram
