اسلام آباد پولیس کی جدید اور مؤثر تفتیش کے نتیجے میں معزز عدالت نے سوشل میڈیا شخصیت ثناء یوسف اور سینیٹ ملازم حمزہ خان قتل کیسز میں اہم فیصلے سناتے ہوئے مرکزی ملزمان کو سزائے موت اور جرمانے کی سزائیں سنا دیں۔
یہ بھی پڑھیں:اسلام آباد پولیس کے سابق ایس پی کو سزائے موت سنا دی گئی
ترجمان اسلام آباد پولیس کے مطابق سوشل میڈیا شخصیت ثنا ہوسف اور سینیٹ ملازم حمزہ خان کے قتل میں ملوث ملزمان عمر حیات اور سابق پولیس افسر عارف حسین شاہ کو عدالت نے سزائے موت اور جرمانے کی سزا سنائی ہے۔
ترجمان کے مطابق حمزہ خان قتل کیس کے 2 شریک ملزمان کو بھی عمر قید اور جرمانے کی سزائیں دی گئی ہیں۔
ڈی آئی جی اسلام آباد محمد جواد طارق نے کہا کہ اسلام آباد پولیس نے جدید تفتیشی تقاضوں اور انسانی ذرائع سے حاصل ہونے والی معلومات کی بنیاد پر دونوں قتل کے مقدمات ٹریس کیے اور ملزمان کو گرفتار کیا۔
یہ بھی پڑھیں:سوشل میڈیا انفلوئنسر ثنا یوسف قتل کیس، ملزم کو موت اور 20 لاکھ روپے جرمانے کی سزا
انہوں نے کہا کہ مضبوط شواہد، جدید تفتیش اور پیشہ ورانہ مہارت کے باعث معزز عدالت نے ملزمان کو سزائیں سنائیں، جبکہ اسلام آباد پولیس شہریوں کو انصاف کی فراہمی اور سنگین جرائم کے خاتمے کے لیے پرعزم ہے۔
