اداکار علی رضا اور کنزہ ہاشمی ایک حالیہ فین میٹ اینڈ گریٹ کے دوران پیش آنے والے واقعے کے بعد سوشل میڈیا پر زیر بحث آ گئے ہیں جہاں ایک مداح کو علی رضا کی جانب سے ہٹانے کا انداز وائرل ہوگیا۔
دونوں اداکار اپنے ڈرامے کی تشہیر کے سلسلے میں مداحوں سے ملاقات کے لیے ایک مال میں موجود تھے۔ اس دوران ایک مداح کنزہ ہاشمی کے ساتھ تصویر بنوانے کے لیے آگے بڑھا تاہم ویڈیو میں دیکھا گیا کہ علی رضا نے فوری مداخلت کرتے ہوئے اسے پیچھے ہٹا دیا۔
View this post on Instagram
واقعے کی ویڈیو سامنے آنے کے بعد سوشل میڈیا پر مختلف آراء سامنے آئی ہیں۔ بعض صارفین نے علی رضا کے اس اقدام کو غیر ضروری اور سخت قرار دیتے ہوئے کہا کہ مداح کو اس انداز سے ہٹانا مناسب نہیں تھا جبکہ کچھ صارفین نے اسے ممکنہ سیکیورٹی خدشات کے تناظر میں درست عمل قرار دیا۔
مداح عبید اعوان نے بھی اس واقعے پر ردعمل دیتے ہوئے علی رضا کے رویے پر مایوسی کا اظہار کیا ہے اور کہا کہ میں تصویر بنانے گیا تھا لیکن علی وضا نے مجھے اٹھا کر پیچھے کر دیا، کیا یہ فینز کی عزت ہے؟ ایسے کریں گے تو کون ان کو پوچھے گا؟ یہ اپنی عزت خود خراب کر رہے ہیں اور سمجھ رہے ہیں کہ یہ بہت بڑے اسٹار بن گئے ہیں۔
View this post on Instagram
سوشل میڈیا پر اس واقعے کے بعد اداکار علی رضا کے حق اور مخالفت میں ملا جلا ردعمل دیکھنے میں آ رہا ہے۔ ایک صارف نے لکھا کہ ’یہ کول دکھانے کی ناکام کوشش تھی‘۔ دوسرے نے کہا ’یہ تو توہین آمیز ہے، تصور کریں اس لڑکے کو بعد میں بُلی کیا جائے گا‘۔
جہاں ایک طبقہ ان کے اقدام کو ذمہ دارانہ قرار دے رہا ہے جبکہ دوسرا اسے غیر مناسب سمجھ رہا ہے۔
