آسٹریلوی کرکٹر ٹریوس ہیڈ اور اہلیہ جیسیکا کو آن لائن ہراسانی کا سامنا کیوں؟

آسٹریلوی کرکٹر ٹرویس ہیڈ اور ان کی اہلیہ جیسیکا کو سوشل میڈیا پر شدید تنقید اور آن لائن ہراسانی کا سامنا کرنا پڑا ہے۔

جس کی وجہ ایک انڈین پریمیئر لیگ یعنی آئی پی ایل میچ کے دوران پیدا ہونے والا تنازع بنا۔

یہ واقعہ اُس وقت پیش آیا جب ویرات کوہلی اور ٹریوس ہیڈ کے درمیان میچ کے دوران تلخ جملوں کا تبادلہ ہوا۔

یہ بھی پڑھیں: ویرات کوہلی ٹریوس ہیڈ سے مصافحہ نہ کرنے پر تنقید کی زد میں

یہ میچ ٹریوس ہیڈ کی ٹیم سن رائز حیدرآباد اور کوہلی کی ٹیم رائل چیلنجرز بنگلورو کے درمیان کھیلا گیا۔

میچ کے دوران گرما گرمی کے بعد کوہلی 15 رنز پر آؤٹ ہوگئے اور ان کی ٹیم کو 55 رنز سے شکست کا سامنا کرنا پڑا۔

میچ کے اختتام پر جب کھلاڑی مصافحے کے لیے قطار میں کھڑے تھے تو کوہلی نے ٹریوس ہیڈ کی جانب سے بڑھایا گیا ہاتھ نظر انداز کرتے ہوئے دیگر کھلاڑیوں سے مصافحہ کیا۔

Cricket star Travis Head and wife Jessica have been bombarded with thousands of vile messages from Indian trolls after his on-field clash with Virat Kohli.

📍 Read more: https://t.co/wbi3yf7nXu pic.twitter.com/T2ADE6y7dq

— The Advertiser (@theTiser) May 25, 2026

اس واقعے کے بعد ٹریوس ہیڈ اور ان کی اہلیہ جیسیکا کے انسٹاگرام اکاؤنٹس پر مبینہ طور پر بھارتی شائقین کی جانب سے نازیبا اور نفرت انگیز تبصروں کی بھرمار ہوگئی۔

جیسیکا نے آسٹریلوی میڈیا سے گفتگو کرتے ہوئے بتایا کہ ان کے دوستوں اور اہل خانہ کو بھی دھمکی آمیز اور نفرت پر مبنی نجی پیغامات موصول ہوئے ہیں۔

انہوں نے کہا کہ جب وہ صبح اٹھیں تو سوشل میڈیا پر شدید ردعمل موجود تھا، تاہم ان کا خاندان محفوظ ہے لیکن ان کے قریبی افراد کو نشانہ بنایا جا رہا ہے۔

جیسیکا کا کہنا تھا کہ کھیل میں جذبات کا ہونا معمول کی بات ہے لیکن یہ یاد رکھنا ضروری ہے کہ کھلاڑیوں کے پیچھے حقیقی خاندان ہوتے ہیں۔

🚨 Travis Head breaks silence on his on-field exchange with Virat Kohli 👀🔥

“It was just heat of the moment, we are good friends.” ❤️

Head clarified that there’s no serious issue between him and Virat, saying emotions were high during the match but both players respect each… pic.twitter.com/7yosqhIBXl

— Sunita Indian (@NationSpeax4j) May 23, 2026