سابق کپتان قومی کرکٹ ٹیم شعیب ملک نے پاکستان میں ٹیسٹ کرکٹ کے معیار کو بہتر بنانے کے لیے نئی تجاویز پیش کی ہیں۔
سوشل میڈیا پر اپنے ایک بیان میں انہوں نے کہاکہ ریڈ بال کرکٹ کے ماہر کھلاڑیوں کے لیے ایسے پرکشش معاہدے متعارف کرائے جانے چاہییں جو انہیں فرسٹ کلاس کرکٹ سے منسلک رکھیں اور وہ فرنچائز کرکٹ کی طرف زیادہ رجحان اختیار نہ کریں۔
To strengthen our red ball cricket, we need to offer lucrative red ball contracts to specialist players.
It’s the best incentive to keep them committed to the longer format as this way they will commit to play minimum of 5 First Class matches per season and players will not make…
— Shoaib Malik 🇵🇰 (@realshoaibmalik) May 23, 2026
شعیب ملک نے کہاکہ اگر ریڈ بال اسپیشلسٹ کھلاڑیوں کو بہتر مالی تحفظ فراہم کیا جائے تو وہ کم از کم پانچ فرسٹ کلاس میچز کھیلنے کے لیے آمادہ رہیں گے اور اپنے قدرتی کھیل کے انداز کو تبدیل کرنے پر مجبور نہیں ہوں گے۔
ان کا کہنا تھا کہ عالمی سطح پر وہی ٹیمیں کامیاب ہوتی ہیں جن کے پاس مکمل طور پر تیار اور مخصوص فارمیٹ کے لیے کھلاڑی موجود ہوں، اس لیے پاکستان کو بھی طویل فارمیٹ کے لیے سنجیدہ اور مستقل مزاج کھلاڑیوں کی ضرورت ہے۔
واضح رہے کہ پاکستان کو حال ہی میں بنگلہ دیش نے 2 ٹیسٹ میچوں کی سیریز میں وائٹ واش کیا ہے، جس کے بعد قومی ٹیسٹ کرکٹ ٹیم پر تنقید کی جارہی ہے۔
