کاکروچ جنتا پارٹی: اکاؤنٹس ہیک، اہلخانہ کو ہراساں کیا جا رہا ہے، بانی بھارتی جین زی اکاؤنٹ

بھارت میں نوجوان نسل کے مسائل اجاگر کرنے والے وائرل سوشل میڈیا اکاؤنٹ کاکروچ جنتا پارٹی(سی جے پی) کے بانی ابھیجیت دیپکے کا کہنا ہے کہ حکومتی دباؤ کے تحت ان کے پلیٹ فارمز کو نشانہ بنایا جا رہا ہے۔

یہ بھی پڑھیں: بھارت میں ’کاکروچ جنتا پارٹی‘ تنازع شدت اختیار کر گیا، بی جے پی اور اپوزیشن آمنے سامنے

ان کے مطابق اکاؤنٹ کی ویب سائٹ بند کر دی گئی اور ایکس اکاؤنٹ بھارت میں محدود کر دیا گیا جبکہ انسٹاگرام اکاؤنٹ ہیک ہونے کے ساتھ ان کے اہلخانہ کو دھمکیاں بھی موصول ہوئیں۔

تاہم بھارتی حکومت کی جانب سے بھی اس حوالے سے کوئی باضابطہ بیان سامنے نہیں آیا۔

طنزیہ انداز میں نوجوانوں کے مسائل اجاگر کرنے والے اس اکاؤنٹ نے چند ہی دنوں میں انسٹاگرام پر 2 کروڑ 20 لاکھ سے زائد فالوورز حاصل کیے جو بے روزگاری، امتحانی پرچوں کے لیک ہونے اور حکومتی پالیسیوں پر نوجوانوں کی بڑھتی بے چینی کی عکاسی کرتے ہیں۔

You can hack and withhold the accounts but you cannot hack this movement.

We are not going to stop and we will keep raising our voice against this autocracy. Every attack makes cockroaches stronger.

We are working on a plan to get this movement to continue sustainably and take… pic.twitter.com/35mJ3hCBQo

— Abhijeet Dipke (@abhijeet_dipke) May 23, 2026

ایک حالیہ سروے کے مطابق 18 سے 24 برس کے 60 فیصد سے زائد بھارتی نوجوان اپنے مستقبل کے حوالے سے تشویش کا شکار ہیں جبکہ شہری نوجوانوں میں بے روزگاری کی شرح 14 فیصد تک پہنچ چکی ہے۔

ڈیجیٹل حقوق کی تنظیموں نے اکاؤنٹ کے خلاف مبینہ کارروائی کو اظہارِ رائے کی آزادی محدود کرنے کی کوشش قرار دیا ہے۔

دوسری جانب بھارتی وزیر کرن رجیجو نے اس رجحان کو مسترد کرتے ہوئے کہا کہ بھارت مخالف حلقوں کے ہیرو بھارت کے ہیرو نہیں ہو سکتے۔

مزید پڑھیے: ’کاکروچ جنتا پارٹی‘، بھارتی چیف جسٹس کے ریمارکس پر سیاسی تحریک چل پڑی

جواباً ابھیجیت دیپکے نے اپنے اکاؤنٹ کے اعدادوشمار شیئر کرتے ہوئے کہا کہ ان کے 94 فیصد سے زائد فالوورز بھارت سے تعلق رکھتے ہیں اور سوال اٹھایا کہ بھارتی نوجوانوں کو غیرملکی قرار دینا کس حد تک درست ہے۔