وزیر داخلہ محسن نقوی نے سعودی عرب کے حج انتظامات کو سراہتے ہوئے ولی عہد شہزادہ محمد بن سلمان اور سعودی وزارتِ حج و عمرہ کا پاکستانی حجاج کو فراہم کی جانے والی سہولیات پر شکریہ ادا کیا ہے۔
مزید پڑھیں: حج 2026 کے موقع پر میدان عرفات میں عازمین کے لیے شاندار انتظامات
وزیر داخلہ نے یہ بات منیٰ میں پاکستانی حجاج کے کیمپوں کے دورے کے دوران کہی، جہاں انہوں نے مختلف کیمپوں کا معائنہ کیا اور خصوصاً بزرگ عازمینِ حج سے ملاقات کی۔
اس موقع پر محسن نقوی نے کہا کہ اس سال حج کے دوران عازمین کے لیے انتظامات قابلِ تعریف ہیں، جبکہ سعودی حکام کی جانب سے روانگی سے قبل امیگریشن کے عمل کی تکمیل ایک بڑی سہولت ہے۔
وفاقی وزیر داخلہ Mohsin Naqvi نے منیٰ میں پاکستانی حجاج کرام کے کیمپس کا دورہ کر کے انتظامات اور فراہم کی جانے والی سہولتوں کا تفصیلی جائزہ لیا۔
دورے کے دوران وزیر داخلہ نے حجاج کرام، خصوصاً بزرگ عازمینِ حج سے ملاقات کی اور رہائش، کھانے پینے اور دیگر سہولتوں کے حوالے سے ان کی… pic.twitter.com/hrDoWHaDJJ— Reema Khan (@ReemakhanPAK) May 26, 2026
وزیر داخلہ نے کہا کہ پاکستان کے قریباً ایک لاکھ 79 ہزار عازمین حج کی سعادت حاصل کر رہے ہیں، جن میں سے ایک لاکھ 15 ہزار سے زائد سرکاری اسکیم کے تحت حج ادا کر رہے ہیں۔
انہوں نے پاکستانی حجاج سے رہائش، خوراک اور ٹرانسپورٹ سہولیات کے بارے میں بھی دریافت کیا، جس پر متعدد عازمین نے انتظامات کو گزشتہ برسوں کے مقابلے میں بہتر قرار دیا۔
مزید پڑھیں:حج کا رکنِ اعظم وقوف عرفہ ادا کرنے کے لیے لاکھوں عازمینِ حج آج منیٰ سے عرفات روانہ ہوں گے
وزیر داخلہ نے سعودی حکومت کے ساتھ ساتھ پاکستان کے وزیر مذہبی امور اور حج مشن کی کارکردگی کو بھی سراہا۔ انہوں نے کہا کہ ہر حاجی حکومت کے لیے انتہائی اہم ہے اور ان کی سہولت کے لیے ہر ممکن اقدامات کیے جا رہے ہیں۔
