سابق سوئیڈز فٹبالر اور الاتفاق کے سابق کھلاڑی روبن کوئزون نے اس سال حج کی سعادت حاصل کرنے پر اپنی خوشی اور روحانی تجربے کا اظہار کیا ہے۔ ان کے مطابق حج کے دوران انہیں خاص طور پر عرفات، مزدلفہ اور منیٰ کے مقامات پر گزرے لمحات نے بہت متاثر کیا۔
🚨🚨🚨🚨🚨
كوايسون لاعب الاتفاق سابقًا يؤدي فريضة الحج..
اعلن اسلامه قبل سنه ❤️ pic.twitter.com/zbiY2cU8oD
— الموجز الرياضي (@SportStuff24) May 26, 2026
روئٹرز اور سعودی پریس ایجنسی کے مطابق روبن کوئزون نے کہا کہ حج کے دوران ان کا سب سے یادگار لمحہ جبلِ عرفات پر قیام، مزدلفہ میں رات گزارنا اور پھر منیٰ کی طرف روانگی تھا۔
انہوں نے کہا کہ سعودی عرب میں فٹبال کھیلنے کے دوران وہاں کے سماجی ماحول اور مذہبی اقدار نے ان کی زندگی پر گہرا اثر ڈالا، جس کے نتیجے میں انہوں نے اسلام قبول کیا۔
یہ بھی پڑھیں:برازیل کی معروف فٹبالر نے اسلام قبول کرلیا، عمرے کی ویڈیو بھی شیئر کردی
روبن کوئزون نے اس بات پر بھی خوشی کا اظہار کیا کہ انہیں اس سال خادم الحرمین الشریفین کے مہمانوں کے پروگرام کے تحت حج کی سعادت حاصل ہوئی، جو وزارتِ اسلامی امور کی نگرانی میں منعقد کیا جاتا ہے۔
سعودی وزارت کے مطابق اس پروگرام کے تحت 104 ممالک سے تقریباً 2500 عازمین حج میں شریک ہوئے، جن میں اسلامی اسکالرز، سماجی شخصیات اور مختلف طبقات کے افراد شامل تھے۔
Former @Ettifaq_EN player and #Sweden international Robin Quaison has spoken about his joy at performing #Hajj2026 https://t.co/Ul91XvAf2I pic.twitter.com/6UZm1YfMvL
— Arab News (@arabnews) May 27, 2026
سعودی وزیر برائے اسلامی امور نے کہا کہ حجاج کی خدمت کے لیے جامع انتظامات کیے گئے ہیں جن میں ٹرانسپورٹ، رہائش اور رہنمائی کے خصوصی انتظامات شامل ہیں تاکہ عازمین آرام اور سکون کے ساتھ اپنے مناسک ادا کر سکیں۔
