وزارتِ داخلہ کے مطابق فیڈرل کانسٹیبلری کے اسپیشل ڈپلومیٹک پروٹیکشن یونٹ کے 200 اہلکاروں کو سعودی عرب میں تربیت دی جائے گی۔
یہ فیصلہ سعودی عرب کے شہر منیٰ میں وفاقی وزیر داخلہ محسن نقوی اور سعودی وزیر داخلہ عبدالعزیز بن سعود السعود کے درمیان ہونے والی ملاقات کے دوران کیا گیا۔
یہ بھی پڑھیں: پاکستان سعودی عرب باہمی دفاعی معاہدے پر دستخط کیا معنی رکھتے ہیں؟
وزارتِ داخلہ نے سوشل میڈیا پلیٹ فارم ایکس پر بتایا کہ دونوں وزرا نے عیدالاضحیٰ کی مناسبت سے تہنیتی پیغامات کا تبادلہ کیا۔
منی۔ وفاقی وزیرداخلہ محسن نقوی کی اپنے سعودی ہم منصب شہزادہ عبدالعزیز بن سعود سے ملاقات
دونوں وزرائے داخلہ نے ایک دوسرے کو عید الاضحی کی مبارکباد دی اور نیک خواہشات کا اظہار کیا
سعودی وزیر داخلہ نے پاکستانی ہم منصب محسن نقوی کو حج کی مبارکباد دی pic.twitter.com/cFknJAwSJ8— Ministry of Interior GoP (@MOIofficialGoP) May 28, 2026
جبکہ سعودی وزیر نے پاکستانی وزیر داخلہ محسن نقوی کو حج کی ادائیگی پر مبارکباد بھی دی۔
ملاقات میں دونوں ممالک کے درمیان دوطرفہ تعلقات اور داخلی سلامتی سے متعلق امور پر تفصیلی گفتگو ہوئی۔
مزید پڑھیں: صحرا کو کیسے قابل کاشت بنائیں؟ پاکستان سعودی عرب سے مدد لینے کا خواہاں
بیان کے مطابق یہ بھی فیصلہ کیا گیا کہ فیڈرل کانسٹیبلری کے اسپیشل ڈپلومیٹک پروٹیکشن یونٹ کے 200 اہلکار سعودی عرب میں تربیت حاصل کریں گے۔
دونوں وزرا نے خطے کی حالیہ صورتحال پر بھی تبادلہ خیال کیا، جس میں سعودی وزیر نے خطے میں کشیدگی کم کرنے کے لیے پاکستان کے مثبت کردار کو سراہا۔
