بھارتی فلم ساز اور ہدایتکار کرن جوہر نے انسٹاگرام پر اپنی فالوونگ لسٹ میں بڑی تبدیلی کرتے ہوئے بالی ووڈ کی متعدد معروف شخصیات کو ان فالو کر دیا ہے۔
ان شخصیات میں شاہ رخ خان، کرینہ کپور، عالیہ بھٹ، کارتک آریان، اننیا پانڈے، ورون دھون، سدھارتھ ملہوترا اور ڈیزائنر منیش ملہوترا سمیت کئی قریبی نام شامل ہیں۔ اس اچانک تبدیلی کے بعد ان کی فالوونگ لسٹ کم ہو کر صرف 74 اکاؤنٹس تک محدود رہ گئی ہے۔
یہ بھی پڑھیں: کرن جوہر یوٹیوبر کیری مناٹی کو عدالت لے گئے، وجہ کیا بنی؟
تاہم کرن جوہر نے انسٹاگرام اسٹوری میں وضاحت دیتے ہوئے کہا ہے کہ یہ اقدام کسی تنازع یا ذاتی رنجش کا نتیجہ نہیں بلکہ وہ سوشل میڈیا پر اپنی موجودگی اور وقت کو محدود کرنا چاہتے ہیں۔
انہوں نے طنزیہ انداز میں یہ بھی کہا کہ ان کے اس فیصلے کو غیر ضروری طور پر بڑا ایشو نہ بنایا جائے اور اسے “کلک بیٹ” خبروں کی شکل نہ دی جائے۔
دوسری جانب بھارتی میڈیا رپورٹس میں دعویٰ کیا جا رہا ہے کہ یہ قدم ممکنہ طور پر ایک سوشل میڈیا حکمتِ عملی کا حصہ ہے اور اس کے پیچھے کسی قسم کی ذاتی ناراضی شامل نہیں۔
