برطانیہ کی معروف گلوکارہ دعا لیپا نے اپنے بوائے فرینڈ برطانوی اداکار کالم ٹرنر نے باضابطہ طور پر شادی کے بندھن میں بندھ کر اپنی نئی زندگی کا آغاز کر دیا ہے۔
یہ شادی 31 مئی کو لندن کے تاریخی اولڈ میریلیبون ٹاؤن ہال میں انجام پائی، جہاں محدود قریبی افراد اور اہل خانہ کی موجودگی میں تقریب تقریباً 30 سے 40 منٹ میں مکمل ہوئی۔ بعد ازاں جوڑا شادی کی رجسٹریشن کے بعد روانہ ہو گیا۔
یہ بھی پڑھیں: اجازت کے بغیر میری تصویر کیوں استعمال کی؟ اداکارہ کا سام سنگ کیخلاف 15 ملین ڈالر ہرجانے کا مقدمہ
دعا لیپا نے اس موقع پر معروف فیشن ہاؤس Schiaparelli کا تیار کردہ سفید ہائی فیشن اسکرٹ سوٹ زیب تن کیا، جس کے ساتھ وائڈ برِم ہیٹ، سفید دستانے اور لوُبُوٹن ہیلس شامل تھے۔ انہوں نے پیلے پھولوں کا گلدستہ بھی تھاما ہوا تھا۔ کلم ٹرنر نے نیوی بلیو ڈبل بریسٹڈ سوٹ زیب تن کیا۔ تقریب کے اختتام پر جوڑے پر اہل خانہ اور قریبی دوستوں نے پھولوں کی پتیاں نچھاور کیں۔
دونوں کی ملاقات جنوری 2024 میں لندن کے ایک کیفے میں ہوئی تھی جس کے بعد ان کے درمیان قربت بڑھتی گئی۔ جولائی 2024 میں انہوں نے اپنے تعلق کو عوامی سطح پر تسلیم کیا جبکہ دسمبر 2024 میں منگنی کی خبریں سامنے آئیں۔
یہ بھی پڑھیں: سگے بیٹے کی شادی میں شرکت کیوں نہیں کی؟ ڈونلڈ ٹرمپ نے وجہ بتا دی
کالم ٹرنر نے کرسمس کے موقع پر ایک کسٹم ڈیزائن کردہ انگوٹھی کے ساتھ دعا لیپا کو پروپوز کیا جس میں ان کی قریبی دوستوں اور اہل خانہ نے بھی کردار ادا کیا۔
لندن میں ہونے والی یہ تقریب قانونی نوعیت کی تھی جبکہ اصل شادی کی تقریبات آئندہ ہفتے اٹلی کے شہر سسلی میں منعقد ہوں گی۔ اطلاعات کے مطابق یہ تین روزہ جشن پالرمو کے قریب ایک تاریخی ولا میں ہوگا جس میں عالمی شہرت یافتہ شخصیات کی شرکت بھی متوقع ہے۔
یہ بھی پڑھیں: طلاق کے بعد رجب بٹ کا بڑا اعلان، دوسری شادی پر خاموشی توڑدی
دعا لیپا نے اس موقع پر اپنے جذبات کا اظہار کرتے ہوئے کہا کہ زندگی کا یہ مرحلہ ان کے لیے ایک خاص اور معنی خیز احساس رکھتا ہے جہاں وہ اپنے قریبی انسان کے ساتھ مستقبل کی جانب بڑھ رہی ہیں۔
