جوڈیشل کمیشن آف پاکستان کا اجلاس 11 جون کو طلب کر لیا گیا ہے، جس کی صدارت چیف جسٹس پاکستان جسٹس یحییٰ آفریدی کریں گے۔
ذرائع کے مطابق اجلاس میں جوڈیشل کمیشن رولز کی منظوری کا معاملہ زیر غور آئے گا۔
یہ بھی پڑھیں: سپریم جوڈیشل کونسل اجلاس: چیف جسٹس یحییٰ آفریدی کے خلاف پانچوں شکایات کی تفصیلات جاری
اس حوالے سے جسٹس عامر فاروق کی سربراہی میں 5 رکنی رولز میکنگ کمیٹی تشکیل دی گئی تھی، جس نے رولز کی تیاری کے لیے اپنی تجاویز مکمل کر لی ہیں۔
مجوزہ رولز میں ججز کے امیدواروں کے انٹرویوز کے لیے ایک خصوصی کمیٹی تشکیل دینے کی تجویز بھی شامل ہے۔
مزید پڑھیں: سپریم جوڈیشل کونسل کا بڑا فیصلہ، چیف الیکشن کمشنر کے خلاف پی ٹی آئی کی شکایت خارج
ذرائع کا کہنا ہے کہ ان رولز کی منظوری کے بعد ہائی کورٹس میں ججز کی تعیناتی کے عمل کو باضابطہ طور پر شروع کیا جا سکے گا۔
