امریکی صدر ڈونلڈ ٹرمپ نے دعویٰ کیا ہے کہ اسرائیل اور ایران دونوں فوری جنگ بندی کے خواہاں ہیں جبکہ دونوں ممالک کے درمیان امن سے متعلق حتمی مذاکرات جاری ہیں۔
یہ بھی پڑھیں: نیتن یاہو نہیں، فیصلے میں کرتا ہوں؛ اسرائیلی حملوں کے باوجود ایران سے معاہدہ قریب ہے، ٹرمپ
صدر ٹرمپ نے اپنے سوشل میڈیا پلیٹ فارم ٹروتھ سوشل پر جاری بیان میں کہا کہ اسرائیل اور ایران فوری جنگ بندی کے لیے تیار نظر آتے ہیں اور امن کے حوالے سے حتمی مذاکرات جاری ہیں تاہم انہوں نے خبردار کیا کہ جہالت یا حماقت اس عمل میں رکاوٹ بن سکتی ہے۔
ٹرمپ کے مطابق ایران کے ساتھ کسی حتمی معاہدے تک امریکی ناکہ بندی بدستور برقرار رہے گی اور پوری قوت کے ساتھ نافذ العمل رہے گی۔
“Both sides, Israel and Iran, are looking to do an immediate CEASEFIRE! Final negotiations on “Peace” are proceeding, subject to ignorance or stupidity getting in its way…” – President DONALD J. TRUMP pic.twitter.com/zLoFSZo3jZ
— The White House (@WhiteHouse) June 8, 2026
انہوں نے اپنے بیان میں کہا کہ معاملات تیزی سے آگے بڑھنے چاہییں اور انہیں امید ہے کہ فریقین جلد کسی نتیجے پر پہنچ جائیں گے۔
مزید پڑھیے: معاہدے سے پہلے ایرانی اثاثے بحال نہیں ہوں گے، ڈونلڈ ٹرمپ کا اعلان
یورپی تجارتی سیشن کے دوران سامنے آنے والے اس بیان میں ٹرمپ نے ایک بار پھر اس مؤقف کا اعادہ کیا کہ تہران کے ساتھ جامع اور حتمی معاہدے تک ایران کی بندرگاہوں پر عائد امریکی پابندیاں اور ناکہ بندی ختم نہیں کی جائے گی۔
مزید پڑھیں: امریکی سینیٹ میں بڑا اَپ سیٹ، ڈونلڈ ٹرمپ کا متنازع امیگریشن بل پاس، اپوزیشن ہکا بکا رہ گئی
صدر ٹرمپ کے بیان کو خطے میں جاری کشیدگی کے تناظر میں اہم پیشرفت قرار دیا جا رہا ہے تاہم اسرائیل اور ایران کی جانب سے فوری طور پر اس دعوے پر کوئی باضابطہ ردعمل سامنے نہیں آیا۔
