امریکی صدر ڈونلڈ ٹرمپ نے سوشل میڈیا پلیٹ فارم ٹروتھ سوشل پر جاری پیغام میں کانگریس کے ریپبلکن ارکان سے مطالبہ کیا ہے کہ وہ فوری طور پر 350 ارب ڈالر کے نئے مالیاتی پیکیج کی منظوری دیں، جسے انہوں نے امریکہ کی فوجی طاقت بڑھانے اور ملک کے مستقبل کو محفوظ بنانے کے لیے اہم قرار دیا ہے۔
یہ بھی پڑھیں:ایران نے جوہری ہتھیار نہ بنانے پر اتفاق کر لیا، مستقبل میں مجتبیٰ خامنہ ای سے ملاقات کا امکان ہے، صدر ٹرمپ کا دعویٰ
ٹرمپ نے اپنے پیغام میں کہا کہ کوئی بھی سابق صدر امریکی فوج کی تعمیر نو اور ملک کو مضبوط بنانے کے لیے ان سے زیادہ پرعزم نہیں رہا۔ انہوں نے ریپبلکنز پر زور دیا کہ وہ مجوزہ ’Recon 3.0‘ بل کو بغیر تاخیر منظور کریں، جس میں ان کے مطابق ’سیو امریکا ایکٹ‘ بھی شامل ہوگا۔
امریکی صدر نے کہا کہ یہ پیکیج فوجی تاریخ کی ایک بڑی سرمایہ کاری ہوگی، جو سابق صدر رونالڈ ریگن کے دور کی دفاعی سرمایہ کاری سے بھی بڑا قدم ہوگا۔ انہوں نے دعویٰ کیا کہ یہ اقدام مستقبل میں 1.5 ٹریلین ڈالر کے دفاعی بجٹ کی بنیاد بنے گا۔
TRUMP just dropped the hammer for ELECTION INTEGRITY
I am hereby calling on Republicans in Congress to IMMEDIATELY advance and pass the forthcoming $350 Billion Reconciliation Bill (Recon 3.0) — which, at the request of our Great Department of War — will include THE SAVE AMERICA… pic.twitter.com/R8kqJyLfkB
— The SCIF (@TheSCIF) June 11, 2026
ٹرمپ نے اپنے پیغام میں دفاعی منصوبوں کا ذکر کرتے ہوئے کہا کہ اس بجٹ کے ذریعے امریکا جدید دفاعی نظام، نئے جنگی طیاروں، بحری طاقت، گولہ بارود کے ذخائر، ڈرون ٹیکنالوجی اور خلائی صلاحیتوں میں اضافہ کرے گا۔
انہوں نے کہا کہ یہ سرمایہ کاری امریکی صنعت کو فروغ دے گی، لاکھوں نہیں بلکہ لاکھوں کے قریب اعلیٰ اجرت والی ملازمتوں کے مواقع پیدا کرے گی اور مہنگائی میں اضافہ کیے بغیر قومی سلامتی کو مضبوط بنائے گی۔
صدر ٹرمپ نے ’سیو امریکا ایکٹ‘ کے حوالے سے انتخابات کے طریقہ کار میں تبدیلیوں کا بھی ذکر کیا۔ ان کے مطابق اس قانون کے تحت ووٹنگ کے لیے فوٹو شناختی کارڈ اور امریکی شہریت کا ثبوت لازمی قرار دیا جائے گا، جبکہ ڈاک کے ذریعے ووٹنگ پر مخصوص حالات کے علاوہ پابندی ہوگی۔
پیغام میں ٹرمپ نے خواتین کے کھیلوں میں مردوں کی شرکت اور بچوں کے لیے جنس تبدیلی سے متعلق طبی اقدامات کے خلاف بھی اپنے موقف کا اعادہ کیا۔
یہ بھی پڑھیں:ایران معاہدے پر جلد بازی نہیں کریں گے، مڈٹرم انتخابات کی پروا نہیں، صدر ٹرمپ
ٹرمپ نے آخر میں کہا کہ یہ اقدامات امریکہ کی آنے والی نسلوں کے تحفظ کے لیے ضروری ہیں اور کانگریس کو 350 ارب ڈالر کے پیکیج اور ’سیو امریکا ایکٹ‘ کو جلد منظور کرنا چاہیے۔
