عالمی مالیاتی ادارے (آئی ایم ایف) نے پاکستان میں سولر پینلز کی مصنوعات پر مجوزہ ٹیکس اضافہ نہ کرنے پر رضامندی ظاہر کر دی ہے، جسے آئندہ مالی سال کے بجٹ میں ایک اہم پیشرفت قرار دیا جا رہا ہے۔
یہ بھی پڑھیں:آئی ایم ایف نے آئندہ مالی سال کے بجٹ میں بجلی سبسڈی کی اجازت دے دی
میڈیا رپورٹ کے مطابق وزیراعظم شہباز شریف کی کوششوں کے بعد آئی ایم ایف نے سولر پینلز اور سٹیشنری اشیاء پر ٹیکس بڑھانے کا فیصلہ واپس لینے پر آمادگی ظاہر کی ہے۔ ذرائع کے مطابق یہ فیصلہ عوامی مفادات کے تحفظ اور توانائی کے متبادل ذرائع کو فروغ دینے کے تناظر میں سامنے آیا ہے۔
اس پیش رفت کو مالی سال 2026-27 کے وفاقی بجٹ کی تیاری کے دوران حکومت کی ایک بڑی کامیابی قرار دیا جا رہا ہے، خاص طور پر اس وقت جب ملک میں شمسی توانائی کے استعمال میں تیزی سے اضافہ ہو رہا ہے۔
دوسری جانب حکومت اور آئی ایم ایف کے درمیان ریئل اسٹیٹ سیکٹر کے لیے مجوزہ ٹیکس رعایتوں پر مذاکرات بدستور جاری ہیں، جن کے نتائج کو آئندہ بجٹ پالیسی میں اہم قرار دیا جا رہا ہے۔
