وفاقی وزیر خزانہ محمد اورنگزیب نے جمعرات کو پاکستان اکنامک سروے 2025-26 کی کاپی وزیرِاعظم محمد شہباز شریف کو پیش کردی۔
وزیراعظم آفس کی جانب سے جاری کردہ بیان کے مطابق وزیر خزانہ نے 11 جون 2026 کو وزیراعظم ہاؤس میں وزیرِاعظم شہباز شریف سے ملاقات کی اور انہیں پاکستان اکنامک سروے 2025-26 کی باضابطہ کاپی پیش کی۔
مزید پڑھیں: پاکستانی معیشت درست سمت پر گامزن، مہنگائی کم ہوگی: یواین اکنامک سروے
پاکستان اکنامک سروے وفاقی بجٹ سے قبل جاری کی جانے والی ایک اہم سالانہ دستاویز ہے جس میں ملکی معیشت کی مجموعی کارکردگی، اقتصادی ترقی، زرعی و صنعتی شعبوں کی صورتحال، خدمات کے شعبے، مالیاتی نظم و نسق، مہنگائی، تجارت، سرمایہ کاری اور دیگر اہم معاشی اشاریوں کا تفصیلی جائزہ پیش کیا جاتا ہے۔
Federal Minister for Finance Muhammad Aurangzeb presented the copy of Pakistan Economic Survey- 2025-26 to the Prime Minister Muhammad Shehbaz Sharif on 11 June, 2026. pic.twitter.com/DIq2NmmQkw
— Prime Minister’s Office (@PakPMO) June 11, 2026
اقتصادی سروے میں گزشتہ مالی سال کے دوران مختلف شعبوں کی کارکردگی، حکومتی پالیسی اقدامات اور معاشی اہداف کے حصول سے متعلق اعداد و شمار بھی شامل ہوتے ہیں، جو آئندہ مالی سال کی اقتصادی منصوبہ بندی اور بجٹ سازی کے لیے بنیاد فراہم کرتے ہیں۔
وزیراعظم شہباز شریف نے اقتصادی سروے کی تیاری میں وزارت خزانہ اور متعلقہ اداروں کی کاوشوں کو سراہتے ہوئے ملکی معیشت کی بہتری اور پائیدار ترقی کے لیے اصلاحاتی اقدامات جاری رکھنے کے عزم کا اظہار کیا۔
مزید پڑھیں: معاشی اعتماد اور امن کی امید میں پاکستان بھارت پر سبقت لے گیا، عالمی سروے
واضح رہے کہ پاکستان اکنامک سروے 26-2025 میں ملکی معیشت کے مختلف شعبوں کی سالانہ کارکردگی اور مستقبل کے معاشی رجحانات کے حوالے سے اہم معلومات شامل ہیں، جبکہ اس کے بعد وفاقی بجٹ 27-2026 پیش کیا جائے گا۔
