آزاد جموں و کشمیر کے دارالحکومت مظفرآباد میں ہیلی کاپٹر حادثے میں شہید ہونے والے افراد کی نمازِ جنازہ ہائیکورٹ گراؤنڈ چھتر میں سرکاری اعزاز کے ساتھ ادا کر دی گئی۔ نمازِ جنازہ میں ریاستی قیادت، اعلیٰ عسکری و سول حکام اور عوام کی بڑی تعداد نے شرکت کرکے شہدا کو خراجِ عقیدت پیش کیا۔
شہدا کے تابوت پاکستان کے سبز ہلالی پرچم میں لپٹے ہوئے جنازہ گاہ لائے گئے، جہاں رقت آمیز مناظر دیکھنے میں آئے۔ نمازِ جنازہ کے موقع پر فضا سوگوار تھی اور غمزدہ شرکا کی آنکھیں اشکبار نظر آئیں۔
مزید پڑھیں: صدر آصف علی زرداری کا ہیلی کاپٹر حادثے میں پاک فوج کے اہلکاروں کی شہادت پر گہرے رنج و غم کا اظہار
Yesterday’s tragic helicopter crash in Muzaffarabad took away some of the country’s most dedicated and courageous officers. Today, their funeral prayers were offered in Muzaffarabad amid heavy hearts and tearful eyes.
These heroes who laid down their lives in the line of duty… pic.twitter.com/hRDMB29pTn
— War Analyst (@War_Analysts) June 11, 2026
نمازِ جنازہ میں قائمقام صدر آزاد جموں و کشمیر چوہدری لطیف اکبر، وزیراعظم آزاد کشمیر چوہدری فیصل ممتاز راٹھور، اعلیٰ عسکری حکام، موسٹ سینئر وزیر میاں عبدالوحید، وزرائے حکومت، چیف سیکریٹری خوشحال خان، انسپکٹر جنرل پولیس لیاقت علی ملک سمیت مختلف شعبہ ہائے زندگی سے تعلق رکھنے والے افراد نے شرکت کی۔
نمازِ جنازہ کے بعد شہدا کے درجات کی بلندی، مغفرت اور پسماندگان کے لیے صبرِ جمیل کی خصوصی دعائیں کی گئیں۔ شرکا نے وطن عزیز کے لیے اپنی جانوں کا نذرانہ پیش کرنے والے شہدا کی عظیم قربانیوں کو زبردست خراجِ تحسین پیش کرتے ہوئے انہیں قوم کا سرمایہ قرار دیا۔
اس موقع پر اظہارِ خیال کرتے ہوئے قائمقام صدر اور وزیراعظم آزاد کشمیر نے کہا کہ شہدا پوری قوم کا قیمتی اثاثہ ہیں، جن کی لازوال قربانیوں کو ہمیشہ یاد رکھا جائے گا۔ انہوں نے کہا کہ وطن کے دفاع، امن و استحکام اور قومی سلامتی کے لیے جانوں کا نذرانہ پیش کرنے والے یہ بہادر سپوت قوم کے حقیقی ہیرو ہیں۔
مظفرآباد کی فضا سوگوار
ہیلی کاپٹر حادثے کے شہدا کی نماز جنازہ ہائی کورٹ پریڈ گراؤنڈ میں ادا کر دی گئی ۔۔ pic.twitter.com/PSOPDXgCo5— Naveed Satti (@Naveedsatti555) June 11, 2026
مزید پڑھیں: پاک فوج کا ہیلی کاپٹر حادثے کا شکار، تمام اہلکار شہید، تحقیقات کا حکم
انہوں نے کہا کہ حکومت اور عوام آزاد کشمیر شہدا کے اہلخانہ کے غم میں برابر کے شریک ہیں اور ان کے حوصلے، خدمات اور قربانیوں کو ہمیشہ عزت و احترام کی نگاہ سے دیکھا جائے گا اور ان کی یاد ہمیشہ قوم کے دلوں میں زندہ رہے گی۔
