بلوچستان میں ہڑتال میں شرکت کے الزام پر محکمہ ہائر ایجوکیشن نے بڑے پیمانے پر کارروائی کرتے ہوئے 34 اساتذہ کو جبری طور پر ریٹائر کر دیا ہے۔
محکمہ ہائر ایجوکیشن بلوچستان کے مطابق جن اساتذہ کے خلاف کارروائی کی گئی ہے ان میں 20 گریڈ کی ایک پروفیسر بھی شامل ہیں۔ مجموعی طور پر 34 اساتذہ کو ہڑتال میں حصہ لینے کے الزام پر ملازمت سے فارغ کیا گیا ہے۔
یہ بھی پڑھیں:بلوچستان: سرکاری اساتذہ اور ملازمین کے 6 الاؤنسز ختم، تنخواہوں میں 40 فیصد تک ممکنہ کمی
حکام کے مطابق فارغ کیے گئے اساتذہ میں گریڈ 17 کے 16 لیکچررز، گریڈ 18 کے 12 اسسٹنٹ پروفیسر اور گریڈ 19 کے 5 ایسوسی ایٹ پروفیسر شامل ہیں۔
ذرائع کے مطابق اس سے قبل بھی محکمہ ہائر ایجوکیشن کی جانب سے 3 اسسٹنٹ پروفیسرز کو جبری ریٹائر کیا جا چکا ہے، جس کے بعد تعلیمی حلقوں میں صورتحال مزید کشیدہ ہو گئی ہے۔
