پاکستان آرمی کی ٹیم نے برطانیہ میں منعقدہ انٹرنیشنل پیس اسٹکنگ مقابلہ 2026 میں شاندار کارکردگی دکھاتے ہوئے پہلی پوزیشن حاصل کر لی ہے۔
آئی ایس پی آر کے مطابق، پاکستان ملٹری اکیڈمی (پی ایم اے) کی ٹیم نے مقابلے میں کلین سویپ کرتے ہوئے تمام بڑے اعزازات اپنے نام کیے، جن میں فرسٹ اوورآل ٹیم ٹرافی، بہترین پیس اسٹکر اور بہترین ڈرائیور کے ایوارڈز شامل ہیں۔
یہ بھی پڑھیں: پاکستانی آرمی کیڈٹ نے آسٹریلیا میں ’بہترین غیر ملکی فوجی کیڈٹ‘ کا اعزاز حاصل کر لیا
پی ایم اے کا 9 رکنی پاکستانی دستہ، جس کی قیادت میجر حیدر گلزار، ایڈجوٹنٹ پی ایم اے نے کی، 5 جون 2026 کو برطانیہ پہنچا تھا۔
آئی ایس پی آر راولپنڈی، 12 جون 2026؛
اعلیٰ کارکردگی کے شاندار مظاہرے میں، پاکستان آرمی کی ٹیم، جس کی نمائندگی پاکستان ملٹری اکیڈمی (PMA) نے کی، نے برطانیہ کی رائل ملٹری اکیڈمی (RMA) سینڈہرسٹ میں منعقدہ باوقار انٹرنیشنل پیس اسٹکنگ مقابلہ 2026 میں پہلی پوزیشن حاصل کر لی۔
پی ایم… https://t.co/PH8Yng6GzV pic.twitter.com/9l1moUC6Ur
— Pakistan Defence🇵🇰 (@PakDefence_) June 12, 2026
اس مقابلے میں مختلف ممالک کی 16 بین الاقوامی ٹیموں نے بھرپور اور سخت مقابلے میں حصہ لیا۔
مزید پڑھیں: پاک چین مشترکہ بحری مشق کے لیے پیپلز لبریشن آرمی کے بحری جہاز داچنگ کی کراچی آمد
آئی ایس پی آر نے کہا کہ پاکستان آرمی کی یہ کامیابی اس بات کی عکاس ہے کہ مسلح افواجِ پاکستان میں پیشہ ورانہ تربیت، مہارت اور لگن کے اعلیٰ ترین معیار برقرار ہیں۔
یہ مقابلہ رائل ملٹری اکیڈمی سینڈہرسٹ میں منعقد ہوا، جبکہ پاکستان ملٹری اکیڈمی کی ٹیم نے ملک کی نمائندگی کی۔
