امریکی صدر ڈونلڈ ٹرمپ نے دعویٰ کیا ہے کہ امریکی جنوبی کمان (ساؤتھ کام) نے ایک ’مہلک فوجی کارروائی‘ میں بدنام زمانہ وینزویلا کے مجرم گروہ ٹرین ڈی آراگوا کے مبینہ سربراہ ہیکتور رستھن فورڈ گوریرو فلورز المعروف نینو گوریرو کو ہلاک کر دیا ہے۔
میڈیا رپورٹس کے مطابق یہ کارروائی ایک ہدفی فضائی یا فوجی حملے کی صورت میں کی گئی، جس کا مقصد ٹرین ڈی آراگوا کے مبینہ سرغنہ کو نشانہ بنانا تھا۔ امریکی حکام کے مطابق نینو گوریرو پر امریکہ نے پہلے ہی گرفتاری یا معلومات فراہم کرنے پر 5 ملین ڈالر انعام مقرر کر رکھا تھا۔
“At my direction, the United States Southern Command delivered a swift and lethal kinetic strike to successfully execute Niño Guerrero, the infamous leader of Tren De Aragua, one of the most bloodthirsty Terrorist Organizations on Planet Earth.” – President DONALD J. TRUMP 🇺🇸 pic.twitter.com/3R5IPxhPXX
— The White House (@WhiteHouse) June 13, 2026
صدر ٹرمپ نے سوشل میڈیا پلیٹ فارم ٹروتھ سوشل پر بیان میں کہا کہ ان کے بقول سابق امریکی انتظامیہ کے دوران سرحدی پالیسیوں کی کمزوری کے باعث خطرناک جرائم پیشہ افراد امریکا میں داخل ہوئے، تاہم ان کے دور میں ایسے عناصر کے خلاف سخت کارروائی کی جا رہی ہے۔
انہوں نے کہا کہ یہ کارروائی ان افراد اور ان کے متاثرین کے لیے انصاف اور انتقام کے مترادف ہے۔ ٹرمپ کے مطابق امریکی فوج نے مجرم گروہوں کے خلاف مہم تیز کر دی ہے تاکہ امریکہ اور خطے میں ان کے نیٹ ورکس کو ختم کیا جا سکے۔
یہ بھی پڑھیں:ایرانی جزیرے پر امریکی حملہ، نقصان کی تفصیلات جاری کردی گئیں
رپورٹس کے مطابق ٹرین ڈی آراگوا ابتدا میں وینزویلا کی ایک جیل گینگ تھی، جو بعد ازاں ایک بین الاقوامی جرائم پیشہ تنظیم میں تبدیل ہو گئی۔ یہ گروہ منشیات کی اسمگلنگ، بھتہ خوری، انسانی اسمگلنگ اور غیر قانونی بارڈر کراسنگ جیسے جرائم میں ملوث بتایا جاتا ہے۔
امریکی حکام کے مطابق اس تنظیم نے جنوبی امریکہ کے کئی علاقوں میں اثر و رسوخ قائم کر رکھا تھا اور اسے ایک خطرناک بین الاقوامی نیٹ ورک تصور کیا جاتا ہے۔
