لاہور میں تاریخی گوردوارہ ڈیرہ صاحب میں گرو ارجن دیو جی کے ’جوڑ میلے‘ کی مرکزی تقریب اختتام پذیر ہوئی جہاں پاکستان اور بھارت سے آئے سکھ یاتریوں نے پاکستان کو مذہبی رواداری اور پرامن بقائے باہمی کی روشن مثال قرار دیا۔
یہ بھی پڑھیں: گرو ارجن دیو جی کے 420ویں یوم شہادت کی تقریبات میں شرکت کے لیے بھارتی سکھ یاتری پاکستان پہنچ گئے
یہ تقریب ایویکوئی ٹرسٹ پراپرٹی بورڈ اور وزارتِ مذہبی امور و بین المذاہب ہم آہنگی کے زیر اہتمام منعقد ہوئی جس میں بڑی تعداد میں سکھ یاتریوں، مذہبی رہنماؤں اور سرکاری حکام نے شرکت کی۔ اس موقعے پر سکھوں کے 5ویں گرو، گرو ارجن دیو جی کی 420ویں برسی منائی گئی۔
’پاکستان تمام مذاہب کے مقدس مقامات کے تحفظ کے لیے پرعزم ہے‘
چیئرمین ایویکوئی ٹرسٹ پراپرٹی بورڈ قمر الزمان نے اس موقع پر کہا کہ پاکستان تمام مذاہب کے مقدس مقامات کے تحفظ، بحالی اور دیکھ بھال کے لیے مکمل طور پر پرعزم ہے۔
Indian Sikh pilgrims gathered at Gurdwara Dera Sahib in Lahore on Monday to commemorate the 420th martyrdom anniversary of #GuruArjanDev, the fifth Guru of Sikhism, in a ceremony marked by devotion, historical reflection, and rare cross-border warmth. For many Indian pilgrims,… pic.twitter.com/43x4XZ5W8W
— Voicepk.net (@voicepkdotnet) June 16, 2026
انہوں نے کہا کہ گرو ارجن دیو جی کی تعلیمات انسانیت، رواداری اور خدمتِ خلق کا درس دیتی ہیں جو عالمی امن کے فروغ میں مددگار ثابت ہو سکتی ہیں۔ ان کے مطابق پاکستان آنے والے یاتری اپنے ساتھ اچھے تاثرات اور مثبت پیغام لے کر جاتے ہیں۔
بھارتی جتھہ لیڈر کی پاکستان کی مہمان نوازی کی تعریف
بھارتی جتھہ لیڈر سر دار بھوپندر سنگھ نے یاتریوں کے شاندار استقبال اور مہمان نوازی پر پاکستان کا شکریہ ادا کیا۔ انہوں نے کہا کہ وہ پاکستان کی خوبصورت یادیں لے کر واپس جائیں گے۔
مزید پڑھیے: مذہبی تقریبات میں شرکت، پاکستان نے 737 بھارتی سکھ یاتریوں کو ویزے جاری کر دیے
انہوں نے گوردواروں کی بہتر دیکھ بھال، رہائش، لنگر، ٹرانسپورٹ اور طبی سہولیات کو سراہا اور حکومت پاکستان و ای ٹی پی بی کا شکریہ ادا کیا۔
جامع انتظامات اور سہولیات
ناصر مشتاق نے کہا کہ سکھ مذہب کی ابتدا اسی سرزمین سے ہوئی ہے جو آج پاکستان ہے، اور پاکستان ہمیشہ سکھ یاتریوں کو ان کے مقدس مقامات تک رسائی دیتا آیا ہے۔
یاتریوں کے لیے میڈیکل کیمپس، ایمبولینس سروس اور ہنگامی طبی سہولیات سمیت تمام انتظامات کیے گئے تاکہ ان کا سفر پرامن اور محفوظ رہے۔
سردار رمیش سنگھ اروڑا نے ای ٹی پی بی کی کوششوں کو سراہتے ہوئے کہا کہ پاکستان سکھ برادری کے لیے ہمیشہ کھلا دل رکھتا ہے۔
The 420th death anniversary of Guru Arjan Dev was commemorated at Gurdwara Dera Sahib in Lahore, where thousands of Sikh pilgrims participated in the event.#GuruArjanDevJi #GurdwaraDeraSahib #SikhPilgrimage #Lahore #PakistanTV pic.twitter.com/GLkOzY4Uh6
— Pakistan TV (@PakTVGlobal) June 16, 2026
انہوں نے بتایا کہ پہلے مرحلے میں 17 گوردواروں کی بحالی اور ترقیاتی کام جاری ہیں۔
سکھ یاتریوں نے مجموعی طور پر اطمینان کا اظہار کرتے ہوئے کہا کہ پاکستان میں مذہبی مقامات پہلے سے زیادہ محفوظ، خوبصورت اور پرامن ہو چکے ہیں۔
مزید پڑھیں: ’دل کرتا ہے اپنا امریکی پاسپورٹ پھاڑ کر پاکستان میں ہی رہ جاؤں‘، سکھ یاتری کا پاکستانیوں سے محبت کا اعتراف
بھارتی سکھ یاتری 10 جون کو پاکستان آئے تھے اور اپنا 10 روزہ مذہبی سفر مکمل کرنے کے بعد 19 جون 2026 کو واپس بھارت روانہ ہوں گے۔
