شکاگو میں سابق امریکی صدر براک اوباما کے صدارتی مرکز اور لائبریری کی افتتاحی تقریب میں ملک کے تین سابق صدور سمیت اہم عالمی شخصیات نے شرکت کی، تاہم موجودہ صدر ڈونلڈ ٹرمپ تقریب میں شریک نہیں ہوئے۔
Barack Obama’s long-awaited presidential center opens this week poised as a monument to contradiction as much as to the former president. Miranda Davis reports from Chicago https://t.co/FhJRmwiEFl pic.twitter.com/WeXv4cSQUf
— Bloomberg (@business) June 17, 2026
امریکا کے شہر شکاگو میں سابق صدر براک اوباما کے صدارتی مرکز کے افتتاح کی تقریب منعقد ہوئی، جس میں سابق صدور بل کلنٹن، جارج ڈبلیو بش اور جو بائیڈن نے شرکت کی۔
تقریب میں براک اوباما اور ان کی اہلیہ مشیل اوباما بھی موجود تھے۔ یہ تقریب جمعرات 18 جون 2026 کو شکاگو کے جیکسن پارک میں منعقد ہوئی، جبکہ مرکز کو عوام کے لیے 19 جون سے کھولا جائے گا۔
یہ بھی پڑھیں:باراک اوباما بحیثیت صدر ایک دن میں عام لوگوں کی طرف سے بھیجے گئے کتنے خطوط پڑھتے تھے؟
اوباما صدارتی مرکز تقریباً 19 ایکڑ رقبے پر قائم ایک وسیع شہری منصوبہ ہے، جس پر 850 ملین ڈالر لاگت آئی ہے۔ یہ منصوبہ نجی عطیات کے ذریعے اوباما فاؤنڈیشن کے تحت مکمل کیا گیا ہے اور امریکی نیشنل آرکائیوز کے نظام سے الگ آزاد حیثیت میں کام کرے گا۔
مرکز کے لیے شکاگو کا انتخاب اوباما خاندان کے اس علاقے سے دیرینہ تعلق کی وجہ سے کیا گیا، جہاں انہوں نے سیاسی سفر کے آغاز سے پہلے اور بعد میں زندگی کا اہم حصہ گزارا۔
The Obama Presidential Center in Chicago had its grand opening ceremony Thursday. A decade after its initial announcement, the 20-acre, $850 million project will open to the public. It was a star-studded event with politicians, celebrities and other important figures attending.… pic.twitter.com/54l5NX6f32
— NewsNation (@NewsNation) June 18, 2026
افتتاحی تقریب میں اوباما نے اپنی گفتگو میں امید، ہمدردی اور عوامی شمولیت کے ذریعے مثبت تبدیلی کے موضوعات کو اجاگر کیا۔
تقریب میں موسیقی کی دنیا سے تعلق رکھنے والی معروف شخصیات نے بھی شرکت کی، جن میں بروس اسپرنگسٹین، جینیفر ہڈسن اور دی روٹس شامل تھے۔ اس کے علاوہ سابق جرمن چانسلر اینجلا مرکل اور سابق کینیڈین وزیراعظم جسٹن ٹروڈو سمیت عالمی رہنما بھی تقریب میں شریک ہوئے۔
یہ بھی پڑھیں:امریکا ایران کشیدگی: ڈونلڈ ٹرمپ خود ہی اپنے فیصلوں کو سراہنے لگے، اوباما اور بائیڈن کے ادوار سے موازنہ
اوباما صدارتی مرکز کی تعمیر اور منصوبہ بندی کا سفر تقریباً ایک دہائی پر محیط رہا۔ یہ صرف ایک لائبریری نہیں بلکہ ایک کمیونٹی مرکز کے طور پر تیار کیا گیا ہے، جہاں میوزیم، شکاگو پبلک لائبریری کی شاخ اور کھیلوں کی سہولیات بھی شامل ہیں۔
