معروف پاکستانی اداکارہ، ماڈل اور میزبان عفت عمر نے اپنی شادی کی پہلی رات سے متعلق دلچسپ انکشاف کرتے ہوئے کہا ہے کہ ٹی وی ڈراموں میں شادی کی پہلی رات کو جس انداز میں پیش کیا جاتا ہے حقیقت اس سے خاصی مختلف ہوتی ہے۔
حال ہی میں ایک پوڈکاسٹ میں گفتگو کرتے ہوئے عفت عمر نے کہا کہ شادی کی پہلی رات کے حوالے سے عوام کے ذہنوں میں غیر ضروری تصوراتی اور رومانوی خیالات پیدا کیے جاتے ہیں جبکہ عملی زندگی میں حالات اکثر مختلف ہوتے ہیں۔
انہوں نے اپنی شادی کی پہلی رات کو یاد کرتے ہوئے بتایا کہ ’میں فرش پر بیٹھی اپنی سلامی کے پیسے گن رہی تھی اور اسی میں مصروف رہی پھر ہم سو گئے۔ مجھے صرف یہ تجسس تھا کہ مجھے کتنی سلامی ملی ہے‘۔
View this post on Instagram
پوڈکاسٹ میں اداکار اور رائٹر عدیل افضل نے بھی شادی کی پہلی رات سے متعلق مناظر لکھنے کی مشکلات پر بات کی۔ انہوں نے کہا کہ میں نے حال ہی میں ایک ڈرامہ تحریر کیا ہے جس میں شادی کا ایک منظر شامل ہے۔ شادی کی پہلی رات کا سین لکھنے میں مجھے تین دن لگ گئے کیونکہ میں سوچ رہا تھا کہ اسے منفرد کیسے بنایا جائے۔
View this post on Instagram
ان کا کہنا تھا کہ مجھے کم از کم تین مناظر شامل کرنا پڑتے ہیں کیونکہ ناظرین ایسے لمحات کو پسند کرتے ہیں اور خاص طور پر اس وقت انتظار کرتے ہیں جب جوڑا فوری طور پر قریب نہ آئے۔ ہمیں اشاروں کنایوں میں بات دکھانی پڑتی ہے لیکن اب تک ہم کوئی واقعی یادگار شادی کی پہلی رات کا منظر تخلیق نہیں کر سکے۔
