وفاقی حکومت نے پیٹرولیم مصنوعات کی قیمتوں میں مسلسل کمی کے سلسلے کو برقرار رکھتے ہوئے مٹی کے تیل کی قیمت میں بھی نمایاں کمی کا اعلان کردیا ہے، جس کے بعد صارفین کو مزید ریلیف ملے گا۔
جاری کیے گئے نوٹیفکیشن کے مطابق مٹی کے تیل کی فی لیٹر قیمت میں 48 روپے 29 پیسے کی کمی کی گئی ہے۔
اس فیصلے کے بعد مٹی کا تیل اب 233 روپے 90 پیسے فی لیٹر میں فروخت ہوگا، جبکہ اس سے قبل اس کی قیمت 282 روپے 19 پیسے فی لیٹر تھی۔
حکومت کی جانب سے واضح کیا گیا ہے کہ نئی قیمتوں کا اطلاق فوری طور پر کردیا گیا ہے، جس سے صارفین کو براہ راست مالی فائدہ پہنچے گا۔
واضح رہے کہ اس سے ایک روز قبل وفاقی حکومت نے پیٹرول کی فی لیٹر قیمت میں 74 روپے جبکہ ہائی اسپیڈ ڈیزل کی قیمت میں 67 روپے فی لیٹر کمی کا اعلان بھی کیا تھا۔
