وسطی فلپائن میں ایک اسکول میں فائرنگ کے واقعے میں 3 افراد ہلاک اور 5 زخمی ہوگئے ہیں۔
میڈیا رپورٹس کے مطابق واقعے کے بعد ایک مشتبہ شخص کو گرفتار کر لیا گیا ہے جبکہ دوسرا حملہ آور تاحال فرار ہے۔
یہ بھی پڑھیں: کینیڈا اسکول فائرنگ: 7 متاثرہ خاندانوں کا اوپن اے آئی کے خلاف مقدمہ
یہ واقعہ صوبہ لیٹے کے شہر تاکلوبان میں واقع سان جوز نیشنل ہائی اسکول میں پیش آیا۔
حکام نے بتایا کہ فائرنگ صبح تقریباً 9 بجے اسکول کے اندر بارنگے سان جوز کے علاقے میں ہوئی۔
School Shooting Philippines
Multiple suspected gunmen have opened fired at the San Jose National High School in Tacloban City.
At least three fatalities have been reported. One of the alleged shooters was apprehended by authorities with the help of nearby locals…
— Pacific Wire (@ChynoNews) June 22, 2026
زخمیوں کو فوری طور پر قریبی اسپتالوں میں منتقل کر دیا گیا ہے جہاں انہیں طبی امداد فراہم کی جا رہی ہے۔
تاکلوبان سٹی پولیس آفس واقعے کی وجوہات جاننے کے لیے تحقیقات کر رہا ہے۔ پولیس ریجنل آفس 8 نے اسکول اور اطراف میں اضافی نفری تعینات کر دی ہے تاکہ طلبہ، اساتذہ اور مقامی افراد کی حفاظت یقینی بنائی جا سکے۔
مزید پڑھیں: کینیڈا کے اسکول فائرنگ واقعے میں نوجوان خاتون ملوث قرار
حکام نے عوام سے اپیل کی ہے کہ وہ غیر مصدقہ معلومات پھیلانے سے گریز کریں اور تفتیشی اداروں سے تعاون کریں۔
واضح رہے کہ فلپائن میں اسکول فائرنگ کے واقعات نسبتاً کم ہوتے ہیں، تاہم جولائی 2022 میں بھی ایک یونیورسٹی کی گریجویشن تقریب کے دوران فائرنگ میں 3 افراد ہلاک ہوئے تھے۔
