فیفا ورلڈ کپ 2026 کے گروپ مرحلے کے آخری میچ میں میزبان میکسیکو نے جمہوریہ چیک کو 0-3 سے شکست دے کر مسلسل تیسری کامیابی حاصل کرلی۔ اس فتح کے ساتھ میکسیکو نے گروپ اے میں تمام 9 پوائنٹس حاصل کرتے ہوئے اپنی برتری برقرار رکھی۔
مزید پڑھیں:فیفا ورلڈ کپ 2026: ابتدائی 2 راؤنڈز کی وہ ٹیمیں جن کا ٹورنامنٹ میں سفر تمام ہوا
میکسیکو کے لیے میٹیو شاویز نے دوسرے ہاف کے آغاز میں پہلا گول کیا، جو ان کے بین الاقوامی کیریئر کا پہلا گول بھی تھا۔ اس کے بعد جولین کوئینونیس نے ٹیم کی برتری دگنی کر دی، جبکہ متبادل کھلاڑی الوارو فیدالگو نے شاندار گول کرکے اسکور 0-3 کر دیا۔
It’s raining goals in Mexico! 🇲🇽☔️
The #FIFAFanFestival feels it across the map 🗺️#FIFAWorldCup pic.twitter.com/cyINnWVZTD
— FIFA World Cup (@FIFAWorldCup) June 25, 2026
17 سالہ گلبیرتو مورا نے اپنے پہلے ورلڈ کپ آغاز میں متاثر کن کھیل پیش کیا اور ایک گول میں اہم کردار ادا کیا۔ وہ میکسیکو کی جانب سے ورلڈ کپ میچ شروع کرنے والے کم عمر ترین کھلاڑی بن گئے۔
شکست کے بعد جمہوریہ چیک ایک پوائنٹ کے ساتھ گروپ اے میں آخری پوزیشن پر رہ کر ٹورنامنٹ سے باہر ہو گیا، جبکہ میکسیکو یکم جولائی کو ناک آؤٹ مرحلے میں بہترین تیسرے نمبر کی ٹیموں میں سے ایک کے خلاف میدان میں اترے گا۔
جنوبی افریقہ نے جنوبی کوریا کو شکست دے کر پہلی بار ورلڈ کپ ناک آؤٹ مرحلے میں جگہ بنالی
جنوبی افریقہ نے ورلڈ کپ کے گروپ اے کے اہم میچ میں جنوبی کوریا کو 0-1 سے شکست دے کر اپنی تاریخ میں پہلی بار ناک آؤٹ مرحلے کے لیے کوالیفائی کر لیا۔ تھپیلو ماسی کو کے دوسرے ہاف میں کیے گئے گول نے میچ کا فیصلہ کیا۔
میکسیکو کے خلاف ابتدائی شکست کے بعد جنوبی افریقہ کی اگلے مرحلے تک رسائی کے امکانات کم سمجھے جا رہے تھے، تاہم جمہوریہ چیک کے خلاف ڈرا اور جنوبی کوریا کے خلاف فتح نے ٹیم کو گروپ میں دوسری پوزیشن دلوا دی۔
مزید پڑھیں:میسی نے فیفا ورلڈ کپ میں کون کونسے ریکارڈ اپنے نام کرلیے؟ گنیز بک آف ورلڈ ریکارڈ نے تفصیل جاری کردی
جنوبی کوریا نے میچ کا آغاز بہتر انداز میں کیا، جبکہ کوچ میونگ بو ہانگ نے کپتان اور اسٹار فارورڈ سون ہیونگ من کو ابتدائی ٹیم میں شامل نہ کرنے کا حیران کن فیصلہ کیا۔ سون دوسرے ہاف میں میدان میں آئے لیکن ٹیم کو شکست سے نہ بچا سکے۔
63ویں منٹ میں تسیپانگ موریمی کے کراس پر تھپیلو ماسی کو نے گول کر کے جنوبی افریقہ کو برتری دلائی، جو آخر تک برقرار رہی۔ جنوبی افریقہ اب 28 جون کو لاس اینجلس میں میزبان کینیڈا کے خلاف ناک آؤٹ مرحلے کا میچ کھیلے گا۔
