پاکستان مسلم لیگ (ن) کے صدر محمد نواز شریف کی منظوری سے آزاد جموں و کشمیر کے عام انتخابات کے لیے مزید 5 امیدواروں کو پارٹی ٹکٹ جاری کر دیے گئے ہیں۔
یہ بھی پڑھیں: پنجاب اسمبلی اجلاس : اپوزیشن کی والڈ سٹی پر تنقید، مریم اورنگزیب کا بھرپور جواب
یہ اعلان مسلم لیگ (ن) کی سینیئر رہنما اور پنجاب کی سینیئر وزیر مریم اورنگزیب کی جانب سے سوشل میڈیا پلیٹ فارم ایکس پر کیا گیا۔
مریم اورنگزیب کے مطابق 18 جون کو آزاد کشمیر انتخابات کے لیے 37 امیدواروں کو پارٹی ٹکٹ جاری کیے جا چکے تھے جبکہ اب مزید پانچ امیدواروں کو بھی پارٹی امیدوار نامزد کر دیا گیا ہے۔
پاکستان مسلم لیگ (ن) کے صدر جناب محمد نواز شریف کی منظوری سے آزاد جموں کشمیر کے عام انتخابات کے لیے پانچ مزید امیدواروں کو پارٹی ٹکٹ جاری کر دئیے گئے ہیں۔ 18 جون کو 37 امیدواروں کو پہلے ہی پارٹی ٹکٹ جاری ہو چکے ہیں۔ pic.twitter.com/M1bC1mX701
— Marriyum Aurangzeb (@Marriyum_A) June 25, 2026
انہوں نے کہا کہ مسلم لیگ (ن) آزاد کشمیر کے عام انتخابات میں بھرپور تیاری کے ساتھ حصہ لے رہی ہے اور پارٹی قیادت کی ہدایات کے مطابق امیدواروں کے انتخاب کا عمل مکمل کیا جا رہا ہے۔
مزید پڑھیے: آزاد کشمیر انتخابات: کون سے بڑے سیاسی کھلاڑی میدان میں ہوں گے؟
نئے نامزد امیدواروں میں ملک محمد نواز خان (ایل اے-8 راج محل)، چوہدری محمد یٰسین گلشن (ایل اے-18 عباس پور)، سردار عبدالخالق (ایل اے-22)، محمد احسن رضا (ایل اے-36 جموں-III) اور محمد عامر شاہ (ایل اے-41 ویلی-II) شامل ہیں۔
